PM:05:59:24/05/2024
1464 جار خوێندراوەتەوە
ئاسایشی نیشتیمانی عێراق رایگەیاند، تۆڕێکی بازرگانی مادە هۆشبەرەکان لەناوبرا و سەرجەم ئەندامانی ئەو تۆڕە دەستگیر کران کە دوو ئەندامیان لە شاری سلێمانی بوون. دەشڵێت، دەست بەسەر ١٣ کیلۆگرام مادەی هۆشبەردا گیرا.
ئەمڕۆ هەینی، ئاسایشی نیشتیمانی عێراق رایگەیاند، لەدوای بەدواداچوون و ئەنجامدانی ئۆپراسیۆنێک بۆ رووبەڕووبوونەوەی بازرگانانی مادە هۆشبەرەکان، لە ئەنجامدا تۆڕێکی بازرگانی مادە هۆشبەرەکان لەناوبرا و ئەندامەکانی دەستگیر کران.
ئاماژەی بەوەش کرد، لەگەڵ دەستگیرکردنیان دەست بەسەر
١٣ کیلۆگرام مادەی هۆشبەردا گیرا و لەنێو ئەو تۆڕەدا دوو ئەندامیان لە شاری سلێمانی
بوون.
ئەوەشی خستە روو، ئەندامانی تۆڕەکە بەشێوازی نوێ
و بەبەکارهێنانی سۆشیاڵ میدیا، کاری گەیاندن و وەرگرتنی مادە هۆشبەرەکانیان کردووە.
ئەمەش لەکاتێکدایە، نزیکی ١٠ رۆژ پێش ئێستا دوو
بازرگانی مادەی هۆشبەر لە ناوچەی سێمێل دەستگیر کران و دەست بەسەر بڕی ٥١ کیلۆگرام
مادەی هۆشبەردا گیرا.
