ئاماژەی بەوەش کرد، بۆیە داوایان لە وەزارەتی دارایی کردووە کە لیستێکی نوێ بەگوێرەی پێویستی دامودەزگاکانی عێراق بۆ دامەزراندن و دەستپێکردنەوەی دامەزراندن بەپشتبەستن بە خەرجییەکان ئامادەبکات.

باسی لەوەش کرد، بۆیە ئەو هەنگاوە دەگرنە بەر، چونکە حکومەت بەرپرسیارە لە دامەزراندن و پلەبەرزکردنەوەی مووچەخۆران و لەگەڵ ئامادەکردنی لیستەکەدا دەست بە دامەزراندن دەکرێتەوە. وتیشی، "حکومەتی کاربەڕێکەر بەرپرسیارە لەهەر دۆخێک کە بێتە پێشەوە، چونکە دەبێت هاوکار بێت لەو پرۆسەیەدا ئەگەر نا ناتواندرێت دامەزراندن لە هەرێم ئەنجام بدرێت".

هاوکات، لەو بارەیەشەوە رۆژی ١٨ـی نیسان، عەتوان عەتوانی سەرۆکی لیژنەی دارایی رایگەیاند، داوایان لە وەزارەتی دارایی کردووە کە ئامادەکاری بۆ پلەبەرزکردنەوەی مووچەخۆران بکات و لەگەڵ خشتەی بودجەدا لیستی دامەزراندن و پلەبەرزکردنەوەش ئامادەبکرێت.

ئەمەش لە کاتێکدایە، رۆژی ٢٢ـی مانگی رابردوو ئەنجومەنی راژەی فیدراڵ رایگەیاند، هەموو ئامادەکارییەکیان بۆ دەستپێکردنەوەی دامەزراندن ئەنجامداوە و سەبارەت بە دەرچوانی هەرێمیش داوایانکردووە کە وەزارەتی دارایی و وەزارەتی خوێندنی باڵا لیستی ئەو خوێندکارانەیان بۆ رەوانەبکات کە شیاوی دامەزراندنن.

هێڤیدار شعبان – دیجیتاڵ میدیای ئێن ئاڕ تی