هاوکات، بەراورد بە دوێنێ چوارشەممە لە کاتی کردنەوەی بازاڕەکانی دراو، نرخی ١٠٠ دۆلار نزیکەی ٦٥٠ دینار دابەزیوە.

دوێنێ چوارشەممە، بانکی ناوەندیی عێراق رایگەیاند، زیاتر لە ٢٦١ ملیۆن دۆلاریان کردووەتە بازاڕەوە، لەو بڕەش، زیاتر لە ٢٤٧ ملیۆن دۆلاری بە شێوەی حەواڵە و زیاتر لە ١٤ ملیۆن دۆلاریشی بە شێوەی کاش بووە.

لەلایەکی دیکەوە، سەڵاح بوشی، راوێژکاری سەرۆکایەتی پەرلەمانی عێراق بە ئێن ئاڕ تی راگەیاند، سەردانەکەی سودانی بۆ ئەمریکا رۆڵی باشی دەبێت لە کەمکردنەوەی سزا داراییەکانی سەر عێراق و لە چەند رۆژی داهاتوودا دۆلار بەرەو نزمبوونەوە دەڕوات.

ئەوەش لە کاتێکدایە، عائد هیلالی، ئەندامی شاندەکەی سەرۆک وەزیرانی عێراق لە ئەمریکا بە ئێن ئاڕ تی راگەیاند، سەردانەکەی سودانی بۆ واشنتۆن دەستکەوتی زۆری بەدەستهێناوە بەتایبەتی لە بواری داراییدا و رێکارەکان بەرەو کۆنترۆڵی تەواوی نرخی دۆلار دەڕۆن و رەنگە لە چەند رۆژی داهاتوودا بە شێوەیەکی خێرا و بەرچاو نرخی دۆلار روو لە دابەزین بکات.

ئەوەشی خستە روو، رێکارەکان بەرەو کۆنترۆڵی تەواوی نرخی دۆلار دەڕۆن و رەنگە لە چەند رۆژی داهاتوودا بە شێوەیەکی خێرا و بەرچاو نرخی دۆلار روو لە دابەزین بکات.