وەزارەتی بەرگری ئەمریکا رایگەیاند، ئەمریکا نایەوێت بەشێوەیەکی راستەوخۆ لەگەڵ ئێراندا بچێتە جەنگەوە و بڕیاری وەڵامدانەوەی ئێران پەیوەستە بە ئیسرائیلەوە.
ئەمڕۆ چوارشەممە، سابرینا سینگ وتەبێژی وەزارەتی بەرگری ئەمریکا رایگەیاند، بەرگریکردن لە ئیسرائیل لە پێشینەی کارەکانی واشنتۆنە و ئەمریکا نایەوێت ململانێکان لە رۆژهەڵاتی ناوەڕاستدا پەرەبسێنن و فراوانبن.
ئاماژەی بەوەش کرد، بڕیاری وەڵامدانەوەی
ئێران پەیوەستە بە ئیسرائیلەوە و ئەمریکا نایەوێت لەگەڵ ئێراندا بچێتە شەڕێکی راستەوخۆوە.
لە چەند رۆژی رابردوودا، لوید ئۆستن وەزیری
بەرگری ئەمریکا پەیوەندیییەکی تەلەفۆنی لەگەڵ یواڤ گالانت هاوتا ئیسڕائیلییەکی ئەنجامدا
و لەوبارەیەوە ماڵپەڕی هەواڵی ئەکسیۆس رایگەیاند، یواڤ گالانت وەزیری بەرگری ئەمریکای
ئاگادار کردووەتەوە کە هیچ رێگەیەک نییە جگە لە وەڵامدانەوە و ناتوانرێت لە بەرامبەر
هەڵدانی مووشەکی بالیستیک و فڕۆکەی بێفڕۆکەوان بێدەنگ بمێننەوە.
دوێنێ سێشەممە، ئیبراهیم رەئیسی سەرۆک کۆماری
ئێران رایگەیاند، بە شیوەیەکی توند و خێرا وەڵامی هەر هێرشێک دەدەنەوە کە بۆ بۆ سەر
خاکی وڵاتەکەیان ئەنجام بدرێت.
ئەمەش دوای ئەوە دێت، درەنگانی شەوی ١٣ی
ئەم مانگە ئێران لە رێگەی سەدان موشەکی کروز و فڕۆکەی بێ فڕۆکەوانەوە هێرشی کردە سەر
خاکی ئیسرائیل، وەک تۆڵەسەندنەوەیەک بۆ بۆردومانکردنی کوسوڵخانەکەی لە دیمەشق کە
بوە هۆی کوژرانی بەرپرسێکی باڵای سوپای پاسدارانی ئێران.