راوێژکاری ئاسایشی نەتەوەی عێراق رایگەیاند، لە ماوەی رابردوو هەزار و ٢٣٠ خێزانی عێراقی لە کەمپی هولەوە گەڕێندراونەتەوە ناوچەکانیان.
قاسم ئەعرەجی راوێژکاری ئاسایشی نەتەوەی وتیشی، بەشێکی ئاوارەکانی کەمپی هول بۆ چارەسەری دەروونی براونەتە کەمپی جەدعە و لە ئێستادا٣٠٠ خێزانی ئەو کەمپە ئامادەکراون بۆ ئەوەی بگەرێندرێنەوە بۆ شار و ماڵی خۆیان.
ئاماژەی بەوەشکرد، کەمپی هول هەشت هەزار
خێرانی عێراقی لە خۆدەگرێت و نزیکەی ٣٠ هەزار منداڵ و ژنی عێراقی و ٣٠ هەزاری سوری
و ١٠ هەزار بیانی تێدایە.
ئاماژەی بەوەشکرد، کەمپەکە لە ژێر سەرپەرشتی
هێزەکانی سوریای دیموکراتە و نزیکەی ٢٠ هەزار عێراقی خوار تەمەن ١٨ ساڵی تێدایە و
لە ساڵی ٢٠٢١ەوە ١٢٣٠ خێرانی عێراقی لە کەمپەکە وەرگیراونەتەوە.
باسی لەوەشکرد، ٦٣٠ خێران لەوانەی گەڕێندرانەوە
نێردراون بۆ کەپی لە پێاو وەرگرتنی چارەسەری دەروونی و دواتر دەیانگەرێننەوە بۆ
شار و جێگای خۆیان، لە کۆی ٦٠٠ خێران ٣٠٠ دانەیان ئامادە کراوم بۆ ئەوە بیانگەرێننەوە
بۆ ناوچەکانی خۆیان.
رونیشیکردەوە، گەڕاندنەوەی ئەو خێزانانە
بە هەماهەنگی لەگەڵ پارێزگاران و کارگێرییە ناوخۆییەکان و بنمەڵەکان دەبێت و بەپێێ
یاسایەک ئەنجامدەدرێت کە پارێزگاری لە هاونیشتیمانی عێراقی بکات و منداڵ و ژنان
رزگار بکات.
کەمپی هول لە ساڵی ١٩٩٠ بنیادنراوە و ١٣ کیلۆمەتر لە سنوری عێراقەوە دوورە.