PM:04:03:28/01/2023
3928 جار خوێندراوەتەوە
ئەمڕۆ کۆبوونەوەی یەکێتی و پارتی لە پارێزگای سلێمانی بەڕێوەچوو بە بڕیاری شاندی هەردوو حزب دەرئەنجامی کۆبوونەوەکە بۆ دانیشتنێکی دیکە دواخرا.
یەکێتی و پارتی راگەیندراوێکی هاوبەشیان سەبارەت بە کۆبوونەوەی ئەمڕۆیان بڵاوکردەوە و تێیدا هاتووە، بە مەبەستی گفتوگۆکردن لەسەر چەند پرسێک و دۆزینەوەی چارەسەر بۆ چەند بابەتێکی هەنووکەیی هەریەکە لە شاندی باڵای مەکتەب سیاسی یەکێتی و پارتی کۆبوونەوەیان ئەنجامدا.
ئاماژە بەوەشکراوە، لە کۆبوونەوەکەی
ئەمڕۆدا بارودۆخی گشتی و هاوکێشە ناوخۆیی و ناوچەییەکان و راوسەرنج
و تێبینی هەردوولا لەسەر بابەتە جیاجیاکانی پەیوەست بەڕێککەوتنی پێشووتری هەریەکە
لە حزبەکانی یەکێتی و پارتی خرانەڕوو.
باسی لەوەشکراوە، لە کۆتایی گفتوگۆکاندا هەریەکە لە
شاندەکانی یەکێتی و پارتی بڕیاریان دا لە دەرفەتێکی دیکەی داهاتوودا دووبارە
کۆبوونەوەی هەردووشاند ئەنجام بدرێت.
