هاوکات، میدیاکان ئاماژە بەوەشدەکەن، فڕۆکەکان هەڵگری جۆرێک لە سلندەرن لە بزوێنەرەکەیاندا کە لەتوانایاندا هەیە هەشت هاوەنی ٦٠ ملیم هەڵبگرێت و کێشی فڕۆکەکە بەبێ فڕۆکەوان دەگاتە نزیکەی ٤٢ کیلۆگرام و تیرەکەشە دەگاتە ١.٣٥ مەتر.

باسیان لەوەشکردووە، هەریەک لە فڕۆکەکان چوار باڵی هەیە و هەرباڵێکی دوو پەروانە بۆ فڕین لەخۆ دەگرێت ، فڕۆکەکە لەتوانایدایە لە کاتی هەڵگرتنی هەشت هاوەنی ٦٠ ملیمدا بۆماوەی ٢٠ کیلۆمەتر بفڕێت و بۆماوەی ٢٠ هەتا ٤٠ خولەکی لەئاسماندا بمێنێتەوە.

هەر لەم بارەیەوە، ماڵپەڕی "WP TECH" ـی پۆڵەندی ئەوەی خستووەتەڕوو، هەندێک لە بەرپرسانی پۆڵەندا داوای کڕینی چەک و فڕۆکەی بێفڕۆکەوانیان کردووە لە کۆمپانیای "Drones Vision"ـی تایوانی و دواتر رادەستی سوپای ئۆکرانیایان کردووە.

هاوکات، کۆمپانیای "Drones Vision" رایگەیاندووە "بەلەبەرجاوگرتنی دۆخی نێودەوڵەتی کە ناهەموارە و لەگۆرانی بەردەوامدایە، تەنها ئامادەیە دانبەوەدا بنێت کە چەکی بە پۆڵەندا فرۆشتووە و دواتریش چەکەکانی لە جەنگی ئۆکرانیادا بەکارهاتووە."

تایوان دوورگەیەکی سەربەخۆیە و دەکەوێتە باشووری رۆژهەڵاتی ولاتی چینەوە و چنیش تایوان بەبەشێک لەخاكی وڵاتەکەی دەزانێت ئەمە لەکاتێکدایە روسیا کە بۆماوەی شەش مانگە لە جەنگدایە دژی ئۆکرانیا هاوپەیمانی چینە.

لەماوەی رابردوودا چین هۆشداری توندی دایە ئەمریکا و رایگەیاند دەستوەردان بۆ کاروباری تایوان جۆرێکە لە یاریکردن بە ئاگر و هەرکەسێکیش یاری بەئاگر بکات خۆی دەسوتێت، بەڵام ئەمریکا هەڕەشە و هۆشدارییەکانی چینی بەهەند وەرنەگرتووە و سەرەڕای دژێتی چین نانسی پلۆسیت سەرۆکی ئەنجوونەنی نوێنەرانی ئەمریکا سەردانی تایوانی کرد و ئەمەش وای لەچین کرد مانۆڕێکی سەربازی بەرفراوان لەکەناراوەکانی تایوان ئەنجام بدات و سنوورە ئاوی و ئاسمانییەکانی ئەو ولاتە ببەزێنێت.