PM:01:46:26/08/2022
54820 جار خوێندراوەتەوە
چاوگێک لە بەڕێوەبەرایەتی پۆلیسی خانەقین بە ئێن ئاڕ تی راگەیاند، بکوژی ئەو دایک و کوڕەی بەیانی ئەمڕۆ کوژران دەستگیرکراوە و ئەندامی هەمان خێزانە و برا و دایکی خۆی کوشتووە و دانی بە تاوانەکەشیدا ناوە.
چاوگێک لە بەڕێوەبەرایەتی پۆلیسی خانەقین لە لێدوانێکی تایبەتدا بۆ ئێن ئاڕ تی ئاماژەی بەوەشکردووە، نیوەڕۆی ئەمڕۆ لەلایەن هێزە ئەمنییەکانی ناوچەکەوە دەستگیرکراوە و وتوشیەتی، "کوڕی خێزانەکەیە و برا و دایکی خۆی کوشتووە."
ئەوەشی خستووەتەڕوو، تۆمەتبارەکە
لە لێکۆڵینەوەدا دانی بەوەدا ناوە کە دایک و براکەی خۆی کووشتووە و هۆکارەکەشی بۆ
کێشەی خێزانی گەڕاندووەتەوە بەبێ ئەوەی وردەکاری زیاتر باس بکات.
ئەمەش لەکاتێکدایە، بەیانی
ئەمڕۆ تەلعەت رفعەت ئەفسەری بنکەی پۆلیسی نەخۆشخانەی خانەقین بە ئێن ئاڕ تی راگەیاند،
بەیانی ئەمڕۆ کوڕ و دایکێک دراونەتە بەر دەستڕێژی گولـلە و کوژراون کە کوڕەکە
پێشمەرگەیە و تەمەنی ٢٧ ساڵە و دایکیشی تەمەنی ٥٤ ساڵ بووە.
بڕیار جاف، گەرمیان
