AM:10:41:26/08/2022
28504 جار خوێندراوەتەوە
بەڕێوەبەرایەتی گشتی کەشناسی هەرێم بڵاویکردەوە، ئەمڕۆ ئاسمان ساماڵ دەبێت لەگەڵ بوونی تۆزێکی سووک لە هەوادا لە کاتەکانی ئێوارە لە ناوچەکانی باشوری هەرێم و کەشوهەوای رۆژی شەممەش هاوشێوەی ئەمڕۆ دەبێت.
بەڕێوەبەرایەتی گشتی کەشناسی و بومەلەرزەزانی هەرێم لە راگەیەندراوێکدا ئاماژەی بەوەکردووە، ئەمڕۆ ئاسمان ساماڵ و پەڵە هەور دەبێت و لە کاتەکانی ئێوارە لە ناوچەکانی باشووری هەرێم ئەگەری بوونی تۆزێکی کەم هەیە و خێرایی با لە نێوان ١٠ بۆ ٢٠ کیلۆمەتردا دەبێت لە هەر کاتژمێرێکدا.
لەبارەی کەشوهەوای سبەی شەممەوە باسی لەوەکردووە، ئاسمان بە گشتی ساماڵ و
پەڵە هەور دەبێت لەگەڵ بوونی تۆزێکی سوک لە هەوادا و پلەکانی گەرما بە جێگیر
دەمێننەوە.
بەرزترین پلەکانی گەرمای پێشبینیکراو بە پلەی سیلیزی بەم جۆرە دەبێت:
هەولێر : 42
سلێمانی : 41
دهۆک : 40
کەرکوک : 44
هەڵەبجە : 43
زاخۆ : 42
سۆران : 40
گەرمیان : 46
