AM:10:05:26/08/2022
63872 جار خوێندراوەتەوە
ئەفسەری بنکەی پۆلیسی نەخۆشخانەی خانەقین بە ئێن ئاڕ تی راگەیاند، بەیانی ئەمڕۆ کوڕ و دایکێک دراونەتە بەر دەستڕێژی گولـلە و کوژراون.
تەڵعەت رفعەت ئەفسەری بنکەی پۆلیسی نەخۆشخانەی خانەقین باسی لەوەشکردووە، رووداوەکە بەرەبەیانی ئەمڕۆ کاتژمێر پێنج و ٤٥ خولەک روویداوە و ئەو کەسانەی تاوانەکەیان ئەنجامداوە هەڵهاتوون.
ئاماژەی بەوەشکردووە، تەرمی کوڕ و
دایکەکە گواستراوەتەوە بۆ نەخۆشخانەی باقوبە لە ناوەندی پارێزگای دیالە و پەڕاوی
لێکۆڵینەوە لە رووداوەکە لەلایەن پۆلیسی بەختیارییەوە کراوەتەوە.
بەگوێرەی ئەو زانیاریانەی دەست
پەیامنێری ئێن ئاڕ تی کەوتووە، کوڕەکە تەمەنی ٢٧ ساڵە و پێشمەرگەیە و دایکەکەش
تەمەنی ٥٤ ساڵە.
بڕیار جاف، گەرمیان
