PM:04:26:30/09/2021
1272 جار خوێندراوەتەوە
+
-
ڕێڤەبەرێ گومرکێن هەرێما
کوردستانێ ڕاگەهاند، "د مەها ئەیلولێ دا داهاتێ دەرازینکێ سنوری زێدەبوویە"،
زێدەبوونا داهاتی ددەمەکیدایە کو حکومەتا هەرێمێ نکاریە د دەمێ خۆدا مەهانە
مووچەیێ فەرمانبەران پارڤەبکەت.
داهاتێ دەرازینکێن سنوریێن هەرێمێ یێ ڤێ مەهێ هاتە ئەشکەراکرن کو داهات زێدەبوویە بۆ ١٢٠ ملیار دیناران.
ئەڤرۆ پێنجشەمبی، سامال
عەبدولرەحمان ڕێڤەبەرێ گومرکێن هەرێمێ بۆ ئاژانسا فەرمیا عێراقێ ڕاگەهاند، د مەها
ئەیلولێ دا داهاتێ دەرازینکێن سنوریێن هەرێمێ بلندترین ئاست تۆمارکر.
ئاماژە ب وێیەکێ ژی کریە،
بهەڤبەرکرن ب سالا ٢٠٢٠ێ بسەدەمێ باشتربوونا رەوشا ساخلەمیێ و کێمکرنا رێکارێن بەرهنگاریبوونا
ڤایرۆسێ کۆرۆنایێ و دەستپێکرنا کاری ل خالێن سنوری ب رەنگەکێ ئاسایی و ڤەکرنا
دەرازینک و بالەفڕخانەیان، داهاتێ دەرازینکێن سنوری زێدەبوویە.
دبێژیت ژی، د نهادا ڕێڤەبەریێن
گومرکی یێن هەرێمێ ل تەڤایا دەرازینکێن سنوری کار ب سیستەمێ ئەلکترۆنی دکەن و
تەڤایا رێنمایی و یاسایان جێبەجێدکەن.
سامال عەبدولرەحمان ڕێڤەبەرێ
گومرکێن هەرێمێ ئەشکەراکر، حکومەتا هەرێمێ دێ هێزا زێدەتر رەوانەی دەرازینکێن هەرێمێ
کەت ب مەرەما رێگریکرنێ ل زێدەگاڤیان و دەرچوونێ ژ یاسایێ.
ئەڤە ددەمەکدایە کو زێدەباری ئەو
داهاتە زێدەبوویە لێ حکومەتا هەرێمێ نکاریە د دەمێ خۆدا مووچەیێ فەرمانبەران
پارڤەبکەت.