PM:09:27:20/11/2021
1684 جار خوێندراوەتەوە
+
-
نوژدارێ نەخۆشخانەیا زارۆکێن پێ نەگەهشتی
ڕاگەهاند، نێزیکی دوو مەهانە زارۆکەکێ ٥٠٠ گڕامی ل زاخۆ ژ دایکبوویە و نها ل بن
چاڤدێریا نۆژداران دایە، دبێژیت ژی، بتنێ ئێک جار دەیک و بابێن وی سەرەدانا
نەخۆشخانەیێ کرینە.
نوژدار ئەدیب فالح هەسنی ل نەخۆشخانەیا زارۆکێن
پێ نەگەهشتی ل زاخۆ بۆ ئێن ئاڕ تی ڕاگەهاند، ل ٢ی ١٠ی ٢٠٢١ێ ل نەخۆشخانەیا
زارۆکبوونێ ل زاخۆ زارۆکەکێ ٥٠٠ گڕامی ژ دایکبوویە و نها لبن چاڤدێریا نۆژداری
دایە.
ئاماژە ب وێیەکێ ژی کر، ژبەرکو زارۆک د دەمی
خۆیێ دروستدا نەهاتیە دنیایێ، نە رێکی د ناڤا لەشێ ویدا هەبوویە و کێشا وی ژی ب تنێ ٥٠٠ گڕام بوون. گوت ژی، پشتی
بورینا نێزیک دوو مەهان، بوویە ٩٠٠ گڕام و
د دەمەکێدا زارۆکێ ئاسایی دڤێت دوو کیلۆگڕام و نیڤ بیت.
ل دویڤ گۆتنێن نەخۆشخانەیا زارۆکبوونێ ل زاخۆ،
لبن چاڤدێریا نوژدارێ بسپۆردایە و ئەو پێدڤیێن وی دابین دکەت، کەس و کارێن وی ژی د
ماوێ دوو مەهاندا ب تنێ جارەکێ سەرەدانا وی کرییە.
ئاشکرا
ژی کر، زارۆک ژ دایک و بابەکێ ب ڕەگەز عەرەبن و ل گوندەکێ سەر ب ناحیا باتیفا ڤە ژیانا
خۆ دەربازدکەن، باب ب کارێ شڤانیێ و دایک ژی بکارێ بەر مالێ ڕادبن.هەڤدەم گوت، نها ڕەوشا وی باشە و دبیت تا ٢٠ رۆژێن دی بوو مالا وی بهێتە زفراندن.
ئەڤە د دەمەکێ دایە، ماوێ مەهەکێ یە دوویەم
حالەتێ شاز یێ ژ دایکبوونا زارۆکان ل نەخۆشخانا زارۆکبوونێ ل زاخۆ دهێتە تۆمارکرن.
وەحید سندی، زاخۆ