PM:08:20:20/11/2021
1712 جار خوێندراوەتەوە
+
-
بریکارێ وەزارەتا ساخلەمیا هەرێمێ ڕاگەهاند،
مووچەیێ مامۆستایان دێ ڕاگرن، ئەگەر ڤاکسینێ وەرنەگرن یان حەفتیانە پشکنینا
کۆرۆنایێ ئەنجامنەدەن، دەربارەی کەرەنتینێ ژی دبێژیت، "هەر دەمێ پێتڤی بوو دێ
رێکاران تونترکەین".
ڕەهێل فەرەیدون بریکارێ وەزارەتا ساخلەمیا
هەرێمێ د بەرنامەیا تاوتوێیا ئێن ئاڕ تی ڕاگەهاند، "دڤێت مامۆستا بنەچاری ڤە
ڤاکسینا کۆرۆنایێ وەربگرن، ژبەرکو سەرەدەریێ دگەل بەشەکێ زۆر ژ قوتابیان
دکەن"، دبێژیت ژی، "مامۆستا دڤێت جدی تربن لسەر وەرگرتنا ڤاکسینێ
کۆرۆنایێ".
ئاماژە ب وێیەکێ ژی کر، "مامۆستا دڤێت
ڤاکسینێ وەربگرن یان حەفتیانە پشکنینا کۆرۆنایێ ئەنجامبدەن، ئەگەر نە دڤێت مووچەیێ مامۆستایان بهێتە
ڕاوەستاندن".
ڕاگەهاندیە ژی، "٦٣%ێ یا خەلکی ڤاکسینا
کۆرۆنایێ وەرگرتیە و ٣٧%ێ وەرنەگرتینە"، دبێژیت ژی، "زێدەتر ژ دوو ملیۆن
ڤاکسینێن کۆرۆنایێ هاتینە هەرێمێ بتنێ ملیۆنە و ٤٠٠ هزار خەلکی ڤاکسین وەرگرتیە".
بەحسا وێیەکێ ژی کریە، "هێشتا ب فەرمی
رێکخراوا ساخلەمیا جیهانی ڕانەگەهاندیە قورچا سیێ ژ ڤاکسینێ وەربگرن".
گوتیە ژی، "ڕاگەهاندنا کەرەنتینێ ژ
ئالیێ حکومەتێ ڤە دگەل هەڤبەرکرنا ڕەوشێ دبیت، هەر دەمێ پێتڤی بوو دێ رێکاران
توندترکەین، د نها دا نزانین دێ چ روویدەت و دێ چکەین".
بەحسا وێیەکێ ژی دکەت، "بودجەیێ تەمام
لبەردەست نینە بۆ کرینا دەرمانان و ب وێ ژی دهاتی د نەخۆشخانەیێ دا بدەست مە
دکەڤیت و نەشێن دەرمانێ پێتڤی دابینبکەین، بەلکو دڤێت سالانە داهاتەکێ تایبەت بۆ
دەرمانان بمەزێخین".
ڕەهێل فەرەیدون دبێژیت ژی، "بەشەکێ زۆر
ژ داهاتێ ساخلەمیێ ب هاندانێ دهێتە دان بۆ کارمەندان ل نەخۆشخانەیان".
ل ٢٥ی مەها ١٠ یا ئەڤ سالە، لژنا بلندا
رووبرووبوونا کۆرۆنایێ جڤیا و بڕیاردا، کو دڤێت هەیا تالیا ئەڤ سالە هەمی مامۆستا
ڤاکسینێ وەربگرن.