PM:04:52:20/11/2021
1772 جار خوێندراوەتەوە
+
-
ماریۆش بلاشاک وەزیرێ بەرگریا پۆلەندا
ڕاگەهاند، هێزێن پۆلیسێن سنورێ ولاتێ وی چەندین بزاڤێن تێپەراندنا سنورێ
بیلاروسیا بۆ پۆلەندا ژناڤبرینە.
ئەڤرۆ شەمبی، وەزیرێ بەرگریا پۆلەندا د ڕاگەهاندنەکێ دا
ئاماژە بوێ چەندێ کر، "شەڤا دەربازبووی جوداهیەکا زۆر نەبوویە هەڤبەر بشەڤا
دەربازبووی و چەندین بزاڤێن شکاندنا سنوری تۆمارکرینە، لێ دنهادا کۆچبەر تەکتیکێن
جودا بکار دئینن و بگرۆپێن بچیکتر و ل جهێن جودا بزاڤان دکەن ".
ماریوش بلاشاکی زەلالژی کر، بیلاروسیا
هاریکاری و ڕێنیشاندەریا کۆچبەران دکەت و گۆتژی، "پێتڤیە د ئامادەباشیێ دابین
ژبەرکوهەیا چەند مەهێن دی ئاریشە دێیا بەردەوامبیت ".
دەربارێ ژمارا بزاڤێن بەزاندنا سنوری بلاشاکی
گۆتژی، دوهی چەند بزاڤ لسەرسنورێ پۆلەندا – بیلاروسیا هاتینە دان ژبۆی کو دەربازبن
مەزنترین گرۆپێ وان نێزیکی ٢٠٠ کۆچبەران بوون و جودا ژوێ چەندێ هندەک بزاڤێن دیێن
تاکو گرۆپێن بچیک هەبووینە، و دبێژیت ژی، "کۆچبەران بشەرڤە مامەلەکریە و بەر
هاڤێتینە و تەنانەت گازا ڕۆندک ڕێژ ژی بکارئینایە".
دەمێ زێدەتر ژ مەهەکێیە قەیرانا کۆچبەران
لسەر سنورێ دناڤبەرا بیلاروسیا – پۆلەندا دروست بوویە و هەژمارەکا زۆر ژ خەلکی ل
دەڤەرێن جودایێن ئاسیا و ئەفریقیا دچنە بیلاروسیا و وان دڤێت ل وێ ڕێیێ بگەهنە
ولاتێن یەکێتی ئەوروپا، ولاتێن یەکێتی ئەوروپا ژی بیلاروسیا تۆهمەتبار دکەن
"ب بکار ئینانا کۆچبەران وەکی چەکەکی دژی ئەوروپا".