PM:03:20:20/11/2021
1356 جار خوێندراوەتەوە
+
-
پەیڤدارێ پۆلیسێن هەرێمێ بۆ ئێن ئاڕ تی
ڕاگەهاند، ب بڕیارا ڕێڤەبەرێ پۆلیسێن هەرێمێ، هەمی پەییڤدارێن پۆلیسان ل هەمی
پارێزگەهـ و ئیدارێن سەربخۆ بێ ڕەزامەندیا پۆلیسێن هەرێمێ نابیت داخویانیان بۆ چ
کەنالان بدەن و چاڤ پێکەفتنان ئەنجام بدەن.
ئەڤرۆ شەمبی، کارزان ئەمیر غەفور ڕێڤةبەرێ
پشکا ڕاگەهاندنا پۆلیسێن هەرێمێ بۆ ئێن ئاڕ تی ڕاگەهاند، "ب بڕیارا ڕێڤەبەریا
پۆلیسێن هەرێمێ ژئەڤرۆ و پێڤە هەمی پەیڤدارێن پۆلیسێن پارێزگەهان و ئیدارێن سەربخۆ
دڤێت موهلەتا پۆلیسێن هەرێمێ هەبیت وی دەمی دکارن بچنە دناڤا بەرنامە و
چاڤپێکەفتنێن کەنالان".
دبێژیت ژی، ئەڤ بڕیارە ڕەوشێن بوویەر و
کۆنگرە و داخویانیێن تایبەت بخۆڤە ناگریت، بتنێ بۆ بەرنامە و چاڤپێکەفتنانە.
دەربارێ وێ چەندێ کو ڕێڤةبەرێ پۆلیسێن هەرێمێ
بتنێ ڕەزامەندی دایە بچنە بەرنامێن کەنالە کی، پۆلیسێن هەرێمێ ئاماژە بوێ دایە،
"وی کەنالی بڕسمی داخازکریە و نڤیسار هەیە و دێ هاریکاریا وان کەین و
هەرکەنالەکێ دی ڤیا دێ هاریکاربین".
هێرش قادر – هەولێر