PM:01:07:20/11/2021
1436 جار خوێندراوەتەوە
+
-
وەزیرێ بەرگریا ئەمریکا ڕاگەهاند، ولاتێ وی
بەربگریێ ل ئازادی و سەروەریا عێراقێ دکەت.
ئەڤرۆ شەمبی، لوید ئۆستن وەزیرێ بەرگریا
ئەمریکا دبەژداریکرنا دیالۆگا مەنامەیا ٢٠٢١ دا ڕاگەهاند، "پابەندبوونا
ئەمریکا ب ئەولەهیا رۆژهەلاتا ناڤەڕاست یا بهێزە و تەکەز لسەر وێ چەندێ کریە".
ئاماژە بوێژی دا، "بەرگریێ دکەین ل
بەرژەوەندیێن خۆ و ئاستێ هێزا بەرگریکرنامە ل دەڤەرێ بلند دکەین ل ڕێیا شاندنا
هێزێن زێدەتر ئەگەر پێتڤی بکەت".
ئەوژی دایە دیارکرن، "هێزێن خۆ ل هێرشێن
ئیرانێ و بریکارێن وێ دپارێزین و بۆ شکەست پێ ئینانا داعشێ دگەل هەڤبەشێن مە ل
عێراقێ و سوریا بەردەوام دبین".
لوید ئۆستنی بەحسا وێیەکێ ژی کر، پشتەڤانیێ ل
سەروەری و سەربخۆیا عێراقێ دکەین دژی هەر ئالیەکێ بڤێت ببیتە گەف لسەر وان یان بۆ
بەرژەوەندیێن خۆ بکاربینیت.
دبێژیت ژی، "دێ بەرگریێ ل عێراقێ و ئازادی
و سەروەریا وێ کەین".
دەربارێ ڤەکشانا هێزێن ئەمریکا ژعێراقێ، وەزیرێ بەرگریا
وی ولاتی ئاشکەراکر، پەیوەندیێن وان دگەل عێراقێ دا زۆردباشن و دگەل هەڤپشکێن خۆ
بەردەوام دبین ل ڕاهێنان پێکرنا هێزێن ئەولەهیێ و دێ زانیارێن زێدەتر دەینێ
بمەرەما شکەست پێئینانا ڕێکخراوێن چەکداری و ڕووبەڕووبونا چالاکیێن وان.
دەربارێ ئیرانێ و ڕۆلێ وێ، لوید ئۆستنێ
وەزیرێ بەرگریا ئەمریکا ڕاگەهاند، ئیران نابیت هزرێ دوێ چەندێ دا بکەت شکستێ ب
پەیوەندیێن ئەمریکا و عێرا قێ بینیت. گۆت ژی، ئیران سەدەمێ سەرەکیێ نەئارامی و
تێکدانا سەقامگیریا دەڤەرێ یە، پێتڤیە کارێن توند و تیژێن خۆ ل وێ دەڤەرێ کێم
بکەت.
هەڤدەم، هۆشداری دا ئیرانێ و گۆت،
"ئەگەر ئیرانێ شێوازێ دبلۆماسیێ یێ ب دلی نیە ڕێکێن دیێن هەین بگرینە
بەر".
ئەڤە د دەمەکیدایە، دووهی ئەینیێ دیالۆگا
مەنامەیا تایبەت ب بڕێڤەچوونا گۆپیتکا ئەولەهیێ ل ڕۆژهەلاتا ناڤەڕاست و ب ئامادەبوونا
زێدەتر ل ٣٠٠ بەریپرس و هزرمەندان ل
سەرانسەری جیهانێ دەست ب کارێن خۆ کر و بڕیارە
سێ ڕۆژان بەردەوام بیت.