PM:10:39:28/04/2024
496 جار خوێندراوەتەوە
+
-
دەستەیا سەقاناسیا عێراقێ ڕاگەهاند، ژ سوبەهی پێدا پێلەکا باران
بارینێ بەرەڤ دەڤەرێن عێراقێ دێ هێت و ل رۆژا سێشەمبی و چارشەمبی دێ هێتە گۆهرین بۆ
باران بارینا مامناڤەند و بهێز دگەل نزمبوونا پلەیێن گەرمێ، دبێژیت ژی، ل رۆژا
پێنجشەمبی کارتێکرنێن وێ پێلێ لاواز دبن.
ئەڤرۆ ئێکشەمبی، دەستەیا سەقاناسیا عێراقێ ڕاگەهاند، سوبەهی دووشەمبیێ
ل عێراقێ ب گشتی ئەسمان عەور و نیڤ عەور دبیت دگەل ئەگەرێ باران بارینەکا کێم و
پلەیێن گەرمێ دێ نزم بن ب ئاوایەکێ ل دەڤەرێن ناڤەڕاست ٣٥ بۆ ٣٧ پلەیان دبن و
دەڤەرێن هەرێما کوردستانێ ژی ٣٤ بۆ ٣٦ پلەیا و دەڤەرێن باشوورێ عێراقێ ژی ٣٣ بۆ ٣٧
پلەیان دبن.
ئاماژە ب وێیەکێ ژیکر، رۆژا سێشەمبی سەقایێ عێراقێ ب گشتی عەور دبیت
دگەل باران بارینەکا مامناڤەند و بهێز و پلەیێن گەرمێ ب ئاوایەکێ بەرچاڤ نزم دبن.
ئەو یەکژی بەرچاڤکر، ل رۆژا چارشەمبیا ڤێ حەفتیێ ژی هەڤئاوایێ رۆژێن
دی ئەسمانێ عێراقێ عەور دبیت دگەل باران بارینەکا مامناڤدەند و بریسیان، هەر وەسا
پلەیێن گەرمێ لهەمبەر رۆژا سێشەمبی نزمتر دبن.
بەحسا وێیەکێ ژیکر، ل رۆژا پێنجشەمبیێ کارتێکرنێن وێ پێلا باران
بارینێ لاواز دبن بتنێ ل چەند دەڤەران باران بارینەکا مامناڤەند دێ باریت.