PM:11:07:26/09/2023
348 جار خوێندراوەتەوە
+
-
جڤاتا
وەزیرێن عێراقێ ل ٣٩هەمین جڤینا ئاسای دا بریاردا، هەمی مامەلە و گڕیبەستێن بازرگانی
کو ل ناڤخۆیێ عێراقێ دهێنە ئەنجامدان ژ ئەڤرۆ پێدا ب دینارێ عێراقی دێ هێنە
ئەنجامدان ل شینا دۆلارێ ئەمریکی.
ئەڤرۆ
سێشەمبیێ، محەمەد شیاع سودانی سەرۆک وەزیرێن عێراقێ سەرۆکایەتیا ٣٩هەمین جڤینا
جڤاتا وەزیران کر و تێدا بریاردا، هەمی گرێبەستێن بازرگانی کو ل عێراقێ دهێنە
ئەنجامدان ب دینارێ عێراق بهێتەکرن ژبلی وان گرێبەستێن قەرێن دەرەکی تێدابن.
ئاماژە ب
وێیەکێ ژیکر، ئەو کەسێن ل بەنکێن حکومی و ل بانکا بازرگانیا عێراقێ ڤە ژی ب دۆلار
قەر وەرگرتین دشین قەرێن خۆ ب بهایێ ١٣٢ هزار دیناران بۆ هەر ١٠٠ دۆلاران بزڤرینیت.
ئەو یەکژی
بەرچاڤکر، بەنکا ناڤەندی وان قەران ب دۆلار وەردگریت و دێ دەتە وان بەنکان یێن کو
ئەو قەرە داین و ئەڤ رێکارە بتنێ وان قەرا ڤەدگریت کو بەری ڤێ بریارێ داینە.
بەری نها
ژی عەلی عەلاق پارێزگارێ بەنکا ناڤەندی یا عێراقێ ڕاگەهاندنەک بەلاڤکر و تێدا
بەحسا وێیەکێ کر، د چەند مەهێن دەربازبووی دا د مامەلەیێن بازرگانی و ناڤخۆی و
مامەلەیێن دارایی دا ل شینا دۆلاری دێ دینارێ عێراقی بکارئینن.
ئەڤە ژی ل پشت
وێیەکێ دهێت، لژنا داراییا پەرلەمانێ عێراقێ ڕاگەهاند، د هەیاما سـێ مەهێن بهێت دا
بهایێ دۆلاری دێ ڤەگریتە سەر بهایێ بەرێ یێ فەرمی و بانکا ناڤەندی ژی د نها دا ل
٨٠٪ـێ یا پێدڤیێن دارایی دابینکرینە.