PM:04:48:26/09/2023
1660 جار خوێندراوەتەوە
+
-
رۆژنامەیا
ئەلعەرەب کو نڤیسینگەهەکا وان یا سەرەکی ل لەندەنە نیشانا پرسیارێ د ئێخیتە سەر
سازیێن هەرێمێ و دبێژیت، سازیان رۆل نینە د بریارێن سیاسی دا و جێبەجێکرنا وان،
ژبەر وێیەکێ ژی دادگەها فیدڕال جڤاتا پارێزگەهێن هەرێمێ ب هەڤئاوایێ پەرلەمانی
ژکارخست.
رۆژنامەیا
ئەلعەرەب: هەرێما کوردستانێ چ سازیەکا هەلبژارتی و راست و دروست نەمایە
رۆژنامەیا
ئەلعەرەب کو نڤیسینگەهەکا وان یا سەرەکی ل لەندەنە نیشانا پرسیارێ د ئێخیتە سەر
سازیێن هەرێمێ و دبێژیت، سازیان رۆل نینە د بریارێن سیاسی و جێبەجێکرنا وان دا ،
ژبەر وێیەکێ ژی دادگەها فیدڕال جڤاتا پارێزگەهێن هەرێمێ هەڤئاوایێ پەرلەمانی
ژکارخست.
رۆژنامەیا
ئەلعەرەب چاپا لەندەن بەلاڤکر، پشتی هەلوەشاندنا پەرلەمانی ژلایێ دادگەها فیدرالی
ڤە لسەر سکالایا نەوەی نوێ هەر ب هەمان ئاوا ژلایێ دادگەها فیدرالی ڤە درێژکرنا
دەمێ جڤاتا پارێزگەهێن هەرێمێ ژی هەلوەشاند.
ئاماژە ب
وێیەکێ ژیکر، هەرێما کوردستانێ چ سازیەکا هەلبژارتی و راست و دروست نەمایە، ژبەر
وێیەکێ ژی دادگەها فیدرالی جڤاتا پارێزگەهێن هەرێمێ ب هەمان سەدەمێ پەرلەمانی
ژکارخست.
بەحسا
وێیەکێ ژیکر، ل هەرێمێ پەرلەمان و جڤاتا پارێزگەهان رۆلەکێ بەرچاڤ نینە د بریارێن
سیاسی و جێبەجێکرنا وان دا، ژبەر وێیەکێ ژی سازی ژلایێ پارتی و یەکێتی ڤە دهێنە ب
ئاراستەیی کرن و شێواز و بنەمایێن دیموکراسیێ ژدەستدانە.
٢٤ـێ ڤێ
مەهێ، لسەر سکالایەکا نەوەی نوێ کو ل دادگەها فیدڕالی هاتبوو تۆمارکرن، جڤاتا
پارێزگەهێن هەرێمێ کو پێنج سالن ب نەیاسایی ژیێ وان هاتبوو درێژکرن هاتنە
هەلوەشاندن.
ل ٣٠ـێ ئایارا
ئەڤسالە ژی دادگەها فیدرالی لسەر سکالایا نەوەی نوێ دژی درێژکرنا دەمێ پەرلەمانێ
کوردستانێ؛ هەولوەشاند.