PM:01:13:26/09/2023
824 جار خوێندراوەتەوە
+
-
لدیڤ زانیاریێن دیجیتال میدیایا ئێن
ئاڕ تی، سوبەهی ل هەمی سازیێن هەرێمێ بهێنڤەدانا فەرمی یە، لێ دابەشکرنا مووچەی بەردەوام
دبیت.
ئەڤرۆ سێشەمبی، حکومەتا
رێڤەبرنا کارێن هەرێمێ ڕاگەهاند، سوبەهی ل هەمی سازیان بهێنڤەدان دبیت و لدویف
زانیاریێن ئێن ئاڕ تی ژی دابەشکرنا مووچەی دێ بەردەوام بیت.
لدویف لیستا مووچەی،
سوبەهی چارشەمبیێ مووچەیێ وەزارەتا دارایی و ئابووری و ناڤخۆ و رێڤەبەریا سازیێن
پەترۆلێ و رێڤەبەریا گشتیا رەزگەزنامێ دێ هێنە دابەشکرن.
تا نها بەغدا ٥٠٠ ملیار
دینار ب رێکا بەنکا رەشید و رافیدەین بۆ هەرێمێ هنارتیە و بڕیارە ٢٠٠ ملیار دینارێن
دی ژی ب رێکا بەنکا تی بی ئای بۆ هەرێمێ بهنێریت.
تا نها مووچەخۆرێن
هەرێمێ مووچەیێ مەها حەفت وەرنەگرتیە و ب سەدەما پێگیرنەبوونا هەرێمێ ب هنارتنا
داهاتێ پەترۆلێ و ناڤخۆ، بەغدا پشکا هەرێمێ د بودجەی دا ناهنێریت.
د جڤینا ١٧ـێ ڤێ مەهێ یا
جڤاتا وەزیرێن عێراقێ بڕیار هاتەدان کوژمێ ٧٠٠ ملیار دینار وەک قەر بۆ هەیامە سێ
مەهان بۆ هەرێمێ بهێتە هنارتن ب رێکا سێ بەنکان ژبووی دابەشکرنا مووچەیێ سێ مەهان.