PM:07:43:01/06/2023
2224 جار خوێندراوەتەوە
+
-
رێڤەبەرێ
کۆمپانیا بازرگانیا دەخلودانێ عێراقێ ڕاگەهاند، زۆرترین رێژەیا گەنمێ هاتیە
وەرگرتن ل پارێزگەها سلێمانیێ بوویە ب رێژەیا ١٦٠ هزار تەنان و زۆرترین رێژەیا
گەنمێ بەرهەمهاتی ل پارێزگەهێن عێراقێ ل واست بوویە ب رێژەیا ٤٣٠ هزار تەنان.
حەیدەر نوری رێڤەبەرێ گشتیێ کۆمپانیا بازرگانیا
دەخلودانێ عێراقێ بۆ ئاژانسا نووچەیا عێراقێ ڕاگەهاند، رێژەیا بەرهەمئینانا گەنمی
ل سەرانسەری عێراقێ دوو ملیۆن تەن دەربازکرینە.
ئاماژە ب
وێیەکێ ژی کر، زۆرترین رێژەیا گەنمی ل پارێزگەها واست بوویە ب ئاوایەکی ب تنێ ل وێ
پارێزگەهێ رێژەیا گەنمێ بەرهەمهاتی٤٣٠ هزار تەنێن گەنمی بووینە و کێمترین رێژە ژی
ل پارێزگەها بەسرە بوویە.
بەحسا وێیەکێ
ژی کر، هەمی پارێزگەهێن عێراقێ پشکداربوون ل ب بازارکرنا دەخلودانی و دناڤدا
پارێزهگەهێن هەرێما کوردستانێ و گۆپیتکا بەرهەمئینانا گەنمی د نهادا ل پارێزگەهێن کەرکوک
و سەلاحەدین و نەینەوا یە.
لگۆرەی
ئامارێن وەزارەتا چاندنا حکومەتا رێڤەبرنا کارێن هەرێمێ رێژەیا گەنمێ هاتیە
وەرگرتن ل پارێزگەها سلێمانیێ ١٦٠ هزار تەن بووینە و ل پارێزگەها هەولێر ١١٥ هزار
تەن و ل دهۆکێ ژی ١٠٠ هزار تەن بووینە.
ئەڤە د دەمەکی
دایە، ل ٢٧ێ مەها ئایارا دەربازبووی پرۆسەیا وەرگرتنا گەنمێ جوتیارێن هەرێمێ
دەستپێکر، دەستپێکێ ل هەرسێ پارێزگەهێن هەرێمێ ٥٠٠ هزار تەنێن گەنمی هاتنە وەرگرتن.
ئـ - ع
کـ - ئـ