PM:11:02:27/06/2025
628 جار خوێندراوەتەوە
+
-
سەرۆکێ ئەمریکا ژناڤبرانا تەمامی یا سازیێن
ئەتۆمی یێن ئیرانێ راگەهاند کو ژلایێ هێزێن ئاسمانی یێن ئەمریکا کرینە ئارمانج و
دبێژیت، تەهران ل ڤان نێزیکان نەشێت دەست ب بەرنامێ ئەتۆمی بکەت و سازیێن ئەتۆمی
یێن نهێنی ل ئیرانێ نینن.
ئەڤرۆ ئەینی، دۆنالد ترەمپ، سەرۆکێ ئەمریکا د
کونگرەیەکا رۆژنامەڤانی دا ل کوچکا سپی گوت، بەرنامێن ئەتۆمی یێن ئیرانێ ژناڤبرینە و
ئیرانێ پێتڤی ب چەند سالەکا یە بۆ دەسپێکرنا بەرنامێ ئەتۆمی.
ئاماژە ب وێیەکێ ژی کر، ٢٥ سالن ریکێ نادەنە
ئیرانێ ببیتە خودان چەکێ ئەتۆمی، چەندێن سال دڤێن تا جارەکا دی بشێت دووبارە دەسپێبکەتە ڤە.
بەحس ل وێیەکێ ژی کر، ب پشتراستی ئەمریکا باش دزانیت کو ج سازیێن نهێنی ل ئیرانێ نینن،
جارەکا دی تەکەز ل وێیەکێ کر کو چ بارهەلگران ل فۆردۆ پێتڤیێن ئەتۆمی نە
ڤەگوهاستینە.
بەحس ل وێیەکێ ژی کر، ئاژانسا ناڤدەولەتی یا وزەیا ئەتۆمی بەرپرسیارە
ژ پشکنینا سازیێن ئەتۆمیێن ئیرانێ، پێتڤیە تەهران وێ یۆرانیۆما ل بەردەست رادەست
بکەت.