PM:10:44:28/06/2025
232 جار خوێندراوەتەوە
+
-
شاندێ تەکنیکیێ بەغدا ل
هەرێمێ داوی ب کۆمبوونا خۆ دگەل بەرپرسێن حکومەتا دەم بسەرڤەچووی ئینا و راپۆرتا
خۆ لسەر خەرجی و داهاتان بەرهەڤ کر، بریارە سوبەهی یان دوو سبەهی ئەو شاندێ بلندێ عێراقێ
بهێتە هەرێمێ و پرسا پەترۆلا هەرێمێ و مووچەی ئێکلای بکەن.
ئەڤرۆ شەمبی، ژێدەرەکێ ژ حکومەتا دەم بسەرڤەچووی بۆ ئێن
ئاڕ تی راگەهاند، شاندێ تەکنیکیێ بەغدا د کۆمبوونا خۆ دا دگەل بەرپرسێن هەرێمێ چەند
داخازیەک هەبوون ژوان ژی رادەستکرنا پەترۆلێ و داهاتێ ناڤخۆ، گوت ژی، د وان
کۆمبوونان دا لهەڤتێگەهشتنەکا باش هەبوو و چاڤەرێ نە دگەل شاندێ بلندێ عێراقێ
بگەهنە ئەنجامەکێ باش و ئاریشە بهێنە چارەسەرکرن.
دەربارێ دەمێ هاتنا
شاندێ بلند ژی، نووچەگەهانێ ئێن ئاڕ تی راگەهاند، سوبەهی یان دووسبەی دێ هێنە
هەرێمێ و دەستهەلاتا تەمام پێ هاتیە دان بۆ چارەسەرکرنا ئاریشەیا پەترۆلێ و
مووچەی، گوت ژی بڕیارە رۆژا دووشەمبی دگەل بەرپرسێن حکومەتا دەم بسەرڤەچووی کۆمبن،
تەوەرێ سەرەکی ژی پرسا رادەستکرنا پەترۆلا هەرێمێ دبیت ب سۆمۆ.
ژێدەرەکێ ژی بۆ ئێن ئاڕ
تی راگەهاند، ئەگەر پەترۆل بهێتە رادەستکرن تا کو حەفتیا بهێت دێ خەرجکرنا مووچەیێ
هەیڤا پێنج و شەش هێتە ئێکلایکرن و لدویف زانیاریان ژی هەرێمێ داخازکریە ١١٥ هزار
بەرمیلێن پەترۆلێ پێ بهێنە دان و د ناڤخۆدا بکاربئینیت.
ئەڤە ژی د دەمەکێدایە، نێزیکی
٦٠ رۆژانە مووچەخۆرێن هەرێمێ مووچە وەرنەگرتینە و ب سەدەمێ سەرپێچیێن هەرێمێ، بەغدا
هنارتنا مووچەی راگرتیە، لێ حکومەتا دەم بسەرڤەچووی بەرهەڤ نەبوو ژ داهاتێ ناڤخۆ
مووچەی دابەش بکەت.