AM:11:31:12/05/2025
1180 جار خوێندراوەتەوە
+
-
پارتا کرێکارێن کوردستانێ (پەکەکە) پشتی نێزیکی 48 سالان ژ خەباتێ، ب
ئاوایەکێ فەرمی هەلوەشاندنا خۆ و چەک دانان ڕاگەهاند و داوی ب شەڕێ چەکداری دگەل
تورکیا دا ئینا.
ئەڤرۆ دووشەمبی، پارتا کرێکارێن کوردستانێ (پەکەکە) بڕیارێن کۆنگرەیێ
12 بەلاڤکرن و تێدا هاتیە، د کۆنگرەی دا بڕیارا هەلوەشاندنان هەیکەلێ تەشکیلی یێ پەکەکە
و داویا خەباتا چەکداری هاتە دان، ب ڤێ یەکێ ژی داوی ب وان چالاکیان هات کو ل بن
ناڤێ پەکەکە هاتینە ئەنجامدان.
پەکەکە د ڕاگەهاندنا خۆ دا ئاماژە ب وێ یەکێ ژی کر، پرسا کوردان ب
رێکێن سیاسەتا دیموکراتیێ ئینایە خالا چارەسەریێ و وان رۆلەکێ دیروکی هەبوویە، بۆ رێڤەبرنا
وێ پرۆسەیێ ژلایێ عەبدولا ئۆجەلان ڤە بڕیارا هەلوەشاندن و داوی ئینان ب خەباتا
چەکداری یا وان هاتیەدان.
ئەو یەکژی بەرچاڤکر، کۆنگرەیێ وان زێدەباری بەردەوامیا شەڕ و هێرشین
ئەسمانی و بەژایی د رەوشەکا زەحمەت دا ب سەرکەفتی رێڤەچوو، ژبەر رەوشا ئەولەهیێ ئەو
کۆنگرەیە ل دوو دەڤەرێن جودا رێڤەچوو و ب گشتی 232 نوینەر پشکداربوون.
پارتا کرێکارێن کوردستانێ (پەکەکە) ل 27ـێ تشرینا دوویێ یا سالا 1978
ژلایێ عەبدولا ئۆجەلان هاتە دامەزراندن.
