PM:03:42:11/05/2025
668 جار خوێندراوەتەوە
+
-
ڤەلڤینا
نەوەی نوێ ڕاگەهاند، نێرینا ونا وەسایە هەڤپەیمانیا لایەنێن دەرڤەی پارتی و یەکێتی
بچنە ناڤ حکومەتا عێراقێ داکو پشکێن کوردانبۆ دوو حزبان نەبیت، لێ بڕیارا داویێ
لدەف کۆمەل و یەکگرتووە دگەل نەوەی نوێ ب دەنگێ هەرسێ ئالیان پێکڤە، ب وێ یەکێ وان
سێ ئالیان کورسی ل پەرلەمانێ عێراقێ هەنە، د داهاتی ژی دا هەر ئاکیەکێ دی بڕیار دێ
هەبیت ئەگەر کورسی ل پەرلەمانێ عێراقێ بدەستڤەئینا.
ئەڤرۆ
ئێکشەمبی، ئالیێن دەرڤەی ئۆپۆزسیۆێ بۆ پێکئینانا هەڤپەمانیەکا بەفرەهـ یا نەرازی
کۆمبوون و پشتی کۆمبوونێ نەوەی نوێ د ڕاگەهاندنەکێ دا بەرسڤا لایەنێن پشکدار د
کۆمبوونێ دا.
بەرسڤا ڤەلڤینا نەوەی نوێ بۆ لایەنێن پشکدار د کۆمبوونا
پێکئینانا هەڤپەیمانیەکا بەرفرەهـ یا دەنگێن نەرازی:
نەوەی نوێ و پرانیا لایەنان زێدەباری کو دەزانن ل
هەر هەڤپەیمانیەکێ پێدڤیە دەنگێ وەلاتیان سەنگ و گرانیا لایەنان دیار بکەت دناڤ وێ
هەڤپەیمانیێ دا، لێ زێدەباری وێ خالێ و ژبەر ڤیانا نەوەی نوێ بۆ دروستبوونا هەڤپەیمانیێ
و دانا هیڤیەکا زێدەتر ب وەلاتیان و رزگارکرنا خەلکی ژ ڤێ رەوشا خراب، ئەڤە ئەم
وەک ڤەلڤینا نەوەی نوێ زیدەباری کو سەرۆکاتیا هەڤپەیمانیێ و هەمی سەرۆک لیستان ب
مافێ خۆ دزانین، لێ بەرهەڤن دەست ژ بەشەکا مافێن خۆ بین ژ پێخەمەت بەرژەوەندیا
گشتی.
د هەمان دەم دا بۆ هەمی لایەنێن بەرێز زەلال
دکەین کو هەر لایەنک ئەگەر داخازا دەستکەفتێن حزبی و پۆستی و پلەیان بکەت کو
زێدەتر بیت ژ حەو و مافێ وی، ئەڤە رەنگە سوبەهی وەسا بهێتە حسابکرن کو وی لایەنی
نەڤێت هەڤپەیمانی بهێتە پێکئینان و زێدەتر خەما حزبی هەیە.
هەڤدەم، ئەگەر نێرینا هەوە وەسایە نەوەی نوێ
ببیتە ئاریشە بۆ هەڤپەیمانیێ، ئەڤە هەوەیێن بەرێز هەمی پێکڤە هەڤپەیمانیێ دروست
بکەن بێ نەوەی نوێ، ئەم ژی ل دەرڤە دێ پشتەڤان و هەڤکارێ هەوە بین، ئەم هەوە نە ب
دژی خۆ دزانین و نە ب نەیار، بەلکو وەک هەڤالانن و دێ هەڤکاری هەوە دبینین.
ب رامانەکا دی، نەوەی نوێ نە مەرج هەیە و نە
مەرجێن گران و زەحمەت ژی ب مافێ کەس دزانیت، ژبەر هندێ بفەرموون بەرسڤا نەوەی نوێ
لسەر وان خالێن کو ل کۆمبوونا ئێڤاریا رۆژا سێشەمبی 10ـێ ئەیارا 2025ـێ، دناڤبەرا
لایەنێن پشکداربووی هاتە بەحسکرن، ئەڤەیە:
ئێکەم: سەرۆکی هەڤپەیمانیێ کییە؟
هەرچەندە زۆربەی لایەنەکان خۆیان ئاماژەیان داوە
بەوەی کە سەرۆکی هاوپەیمانی مافی نەوەی نوێیە، بەڵام ئێمە لە پێناو سەرگرتنی
هاوپەیمانێتیەکە و وەک رێزێک بۆ بەرێزتان ئەو مافە دەدەینە جەنابتان و پێمان باشە
یان نەوەی نوێ بێت یاخود بەتێکڕای دەنگی ئەولایەنانە بریاری لێ بدرێت کە بەشداری
هاوپەیمانێتیەکە دەبن.
هەر چەندە پرانیا لایەنان گوتیە کو سەرۆکێ هەڤپەیمانیێ
مافێ نەوەی نوێ یە، لێ ژ پێخەمەت سەرکەفتنا هەڤپەیمانیێ وەک رێزەک بۆ هەوەیێن
بەرێز وی مافی دێ دەینە هەوە و مە پێ باشە یان نەوەی نوێ بیت یان ب تێکرایا دەنگێ
لایەنێن پشکدار ل هەڤپەیمانیێ بڕیار لسەر بهێتەدان.
دوویەم: سەرۆک لیست ل باژێران دێ کی بن؟
هەرچەندە لدویف دەنگان دڤیابوو سەرۆک لیست ل هەمی
پارێزگەهان بۆ نەوەی نوێ بیت، لێ ئەم دێ دەست ژ بەشەکا وان بین ب ڤی ئاوایی:
ل ناڤ هەرێمێ نەوەی نوێ دوو سەرۆک لیست، یەکگرتوو
ئێک سەرۆک لیست.. دەرڤەی هەرێمێ کۆمەل ئێک سەرۆک لیست و یەکگرتوو ئێک سەرۆک لیست
سێ یەم: پەیڤدار و مخەوەلێ هەڤپەیمانیێ دێ کی
بیت؟
مە پێ باشە بەرێزەک ژ کۆمەلا دادگەری پەیڤدارێ
هەڤپەیمانیێ بیت.
مخەوەلی هەڤپەیمانیێ:
مە پێ باشە بەڕێزەک ژ یەکگرتوویا ئیسلامی بیت.
چارەم: ئەرێ دێ چینە ناڤ حکومەتا عێراقێ یان نە؟
مە پێ باشە هەڤپەیمانی بچیتە ناڤ حکومەتا عێراقێ، داکو هەمی
پشکێن کوردان بۆ دوو حزبێن دستهەلادار نەبیت، لێ بڕیارا داویێ لدەف کۆمەل و
یەکگرتوویە دگەل نەوەی نوێ ب دەنگێ هەر سێ لایەنان پێکڤە، ب ێ یەکێ وان سێ لایەنان
کورسی ل پەرلەمانی عێراقێ هەنە دنها دا، د داهاتی ژی دا هەر لایەنەکێ دی نێرین دێ
هەبیت ئەگەر کورسی ل پەرلەمانێ عێراقێ بدەستڤە ئینا و ئەو دێ بریارێ دەن پشکداریا
حکومەتێ بن یان نە.
پێنجەم: ئەو لایەنێن دناڤ هەڤپەیمانیێ دا کورسی
نەئینن دێ چەوا سەرەدەری دگەل دا هێتەکرن؟
مە پێ باشە پۆستێن حکومی وەک (شوینکارێ وەزیر،
مدیر عام، بالیۆز، پۆستێن دی ب وان بهێنەدان)
شەشەم: ناڤێ هەڤپەیمانیێ چ بیت؟
ب دلێ لایەنان، نەوەی نوێ چ مەرجەککی نینە.
حەفتەم: بڕیاردان دناو هەڤپەیمانیێ دا چەوا بیت؟
ب زۆرینە یان ب رێکەفتن بیت؟
د نها دا ب رێکەفتنا هەرسێ لایەنێن نەوەی نوێ و
یەکگرتوو و کۆمەل بیت، هەر ئێکی دەنگەل هەیە، د داهاتی دا ب رێکەفتنا وان لایەنان
دبیت کو کورسیان بدەستڤە دئینن.
هەشتەم: ل دەڤەرێن ئاریشە لسەر پێکڤە دبین یان نە؟
بەلێ دێ پێکڤە بین.
نەهەم: هژمارا هەر لایەنەکی دناڤ لیستان دا دێ
چەوا بیت؟
بە دلێ لایەنان بیت، مە وەک نەوەی نوێ چ ئاریشەیەک
نینە ئەگەر لایەنەک گەلەک بەربژێران دانێت یان کێم، لێ چەند بەربژێر زۆر بن و دەنگان
کۆم بکەن باشترە بۆ هەڤپەیمانیێ.