PM:05:21:27/04/2025
1548 جار خوێندراوەتەوە
+
-
سپێدەهیا ئەڤڕۆ ل ویلایەتا تێکساس ل ئەمریکا تەقە ژ سێ گەنجێن زاخۆ هاتە کرن، د
ئەنجام دا دوو ژ وان ژیانا خۆ ژ دەستدان و ئێکێ دی بریندار بوویە.
ئەڤڕۆ ئێکشەمبی ٢٧ـێ نیسانێ، دەمژمیر ٦:٠٠ سپێدەهیا ئەڤڕۆ ل پانزینخانەیەکا باژێرەکێ
ویلایەتا تێکساس ل ئەمریکا تەقە ل سێ گەنجان هاتە کرن کو خەلکێ زاخۆ، د ئەنجام دا
هەر ل جهێ بوویەرێ دوو ژ وان ب ناڤێن (ئومێد شاهین و ئەیاز
موحسین) د ژیێ ١٩ سالیی دا ژیانا خۆ ژ دەستدان و کەسەکێ دی ب ناڤێ (هەردەم) بریندار بوو.
لدیف
زانیاریێن ئێن ئاڕ تی، ژلایێ سێ کەسان ڤە ب دەمانچێ تەقە ژ وان گەنجان هاتیە کرن کو
ئەو ژی هەر خەلکێ زاخۆ نە.
هەر لدیف
زانیاریان، ئەو کەسێن تەقە لێ هاتیە کرن ل پانزینخانەیێ مژیلی تێکرنا پانزینێ بووینە
بۆ ترۆمبێلێ وی دەمی هێرش بۆ سەر وان هاتیە کرن.
ئێن ئاڕ تی
زانییە، تا نوکە ئەگەرێ ڤێ بوویەرێ دیار نینە، لێ پۆلیسان دەست ب ڤەکۆلینان کریە و
دوو ژ تۆهمەتباران هاتینە دەستەسەرکرن و ئێکێ دی تا نوکە نەهاتیە دەستەسەرکرن.