PM:01:38:29/04/2025
412 جار خوێندراوەتەوە
+
-
جڤاتا ئاسایشا هەرێمێ دەربارێ وان هێرشێن درۆنیێن سەر پێشمەرگەی ل سنورێ
ئامێدیێ دبێژیت، بۆ تێکدانا پرۆسەیا ئاشتیێ و سەقامگیریێ یە ل دەڤەرێ.
ئەڤرۆ پێنجشەمبی، جڤاتا ئاسایشا هەرێمێ دەربارێ وان هێرشێن درۆنیێن سەر
پێشمەرگەی ل سنورێ ئامێدیێ راگەهاند، گروپەکێ ترورستی ب درۆنێ بنگەهەکێ پێشمەرگەی کریە
ئارمانج و سێ پێشمەرگە برینداربوون، ساخلەمیا وان بنەجهە.
ئاماژە ب وێیەکێ ژیکر، درۆنا ئەڤرۆ ل هەمان جهـ بوو کو دوهی ب درۆنەکا
دی هێرش کریە سەر هێزێن پێشمەرگەی و دوو پێشمەرگە ژی بریندار بوون.
ئەڤە د دەمەکێدایە، د هەیاما کێمتر ژ 24 دەمژمێران دا دوو هێرشێن درۆنی
لسەر ئێک خالا پێشمەرگەی ل گوندێ بلاڤە ل سنورێ ئامێدیێ هاتینە کرن د دوو دەمێن جودا
دا و ب سەدەمێ وان هێرشان پێنج پێشمەرگە بریندار بوون.