AM:11:31:19/04/2025
752 جار خوێندراوەتەوە
+
-
بڕیاربوو ئەڤرۆ
هەرێم و بەغدا و کۆمپانیێن پەترۆلی (ئەپیکۆر) کۆم بن، لێ ئەو کۆمبوونە هاتە
پاشخستن، لدویف زانیاریێن ئێن ئاڕ تی، بڕیاربوو ئەو کۆمبوونە ب گڤاشتنێن ئەمریکا
بهاتبا ئەنجامدان.
ئەڤرۆ شەمبی،
لدویف زانیاریێن ئێن ئاڕ تی، ئەمریکا دڤێت ب زوویترین دەم دەست ب هنارتنا پەترۆلا
هەرێمێ بهێتەکرن، ژبەرکو بتنێ د ئەڤسالە دا ب بهایێ نێزیکی دوو ملیار دۆلاران
پەترۆلا هەرێمێ ب قاچاغی هاتیە فرۆتن و داهاتێ وێ ژی نەدیارە، ئەو پەترۆلا دهێتە
فرۆتن ژی ئوپیک پلەس ژ پشکا عێراقێ دبڕیت ل بازارێن جیهانێ.
هەروەسا، د نها
دا ئاریشەیا سەرەکی ل هەمبەر هنارتنا پەترۆلا هەرێمێ پارەیێ تیچوویا وێیە، ب وێ
یەکێ کو هەرێم داخاز دکەت داهاتێ فرۆتنا پەترۆلێ بۆ وێ بیت، لێ لدویف یاسایی دڤێت
بەرپرسێن حکومەتا عێراقێ هایداری خەرجکرنا وی پارەی بن.
هەڤدەم، تا
نها هەرێمێ رازیبوون نیشاندایە لسەر وێ کۆمپانیا شێوەرمەندی کو بڕیاربوو تێچوویا
دەرئینانا بەرمیلەکا پەترۆلا هەرێمێ بخەملینیت.
ژلایەکێ دی
ڤە ژی ئاریشەیا هەمبەر هنارتنا پەترۆلا هەرێمێ ئەوە، هەرێم داخاز دکەت ژ وان 400
هزار بەرمیلێن بڕیارە رادەستی بەغدا بکەت، 115 هزار بەرمیلان بۆخۆ هەلگریت و ب
قاچاغێ بفرۆشیت.