PM:01:17:18/04/2025
1252 جار خوێندراوەتەوە
+
-
بڕیارە سوبەهی کۆمپانیێن
پەترۆلێ و هەرێم و عێراق کۆمبن. لدیڤ زانیاریێن ئێن ئاڕ تی، کۆمبوون ب گڤاشتنێن
ئەمریکا دێ هێتە ئەنجام دان.
ئەڤڕۆ ئەینی ١٨ـێ نیسانێ لدیڤ زانیاریان، ئەمریکا دڤێت د
زووترین دەم دا دەست ب هناردەکرنا پەترۆلا هەرێمێ بهێتە کرن، ژبەرکو لدیڤ خەملاندنان
ب تنێ ئەڤسالە ب بهایێ زێدەتری دوو ملیار دۆلاران ل هەرێمێ پەترۆل ب قاچاغ هاتییە
فرۆتن.
د نوکە دا ئاریشەیا
سەرەکی ل هەمبەر هناردەکرنا پەترۆلا هەرێمێ پارەیێ فرۆتنا پەترۆلێ یە، ژبەرکو
هەرێمێ داخاز کریە هەرێم بخۆ مامەلەیێ ب پارەیێ داهاتێ پەترۆلێ بکەت، دەمەکی دا
لدیڤ یاسایێ دڤێت بەرپرسێن عێراقێ ئاگەهداری دینار ب دینارێ خەرجکرنا داهاتێ
پەترۆلێ بن.
هەڤدەم، تا نوکە هەرێم
ڕازی نەبوویە لسەر وێ کۆمپانیا شێوەرمەندی کو بڕیارە تێچوویا خەرجییا دەرئینانا
بەرمیلەکا پەترۆلێ هەرێما کوردستانێ دیار بکەت.
هەروەسا، ئاریشەیەکا دی
یا ل هەمبەر هناردەکرنا پەترۆلا هەرێمێ ئەڤەیە، هەرێمێ داخاز کریە ژ وان ٤٠٠ هزار
بەمیلێن پەترۆلا رۆژانە کو بڕیارە ڕادەستی بەغدا بکە، ١١٥ هزار بەرمیل بۆ وان بن
تاکو ب قاچاغ بفرۆشن.