AM:08:55:01/05/2024
324 جار خوێندراوەتەوە
+
-
ئەڤرۆ رۆژا جیهانیا کرێکارانە
و بێهنڤەدانا فەرمیە، لی کرێکارێن هەرێمێ نەک هەر نەشێن د رۆژا جیهانیا خۆ دا بێهنڤەدانێ
بکەن بەلکو لدیف کاری دگەرن و دبێژن، کار ب دەست وان ناکەڤیت و مافێن وان پاراستی
نینە.
1ـی ئەیارێ رۆژا جیهانیا
کرێکارانە و کڕیکارێن جیهانێ د ڤێ رۆژێ دا بێهنڤەدانێ وەردگرن و داخازا مافێن خۆ
دکەن، لێ ل هەرێمێ کارێکار هەر ژ سپێدەهیان زووی و بەری رۆژهەلاتنێ لدیف کاری
دگەرن.
کرێکارێن هەرێمێ بەحسا
وێ یەکێ دکەن، ل هەرێمێ کار ب دەست وان ناکەڤیت و ئینانا کرێکارێن بیانی ژی
کارتێکرنەکا خراب لسەر وان هەبوویە ژبەرکو ب بهایەکێ کێمتر کار دکەن.
ئاماژە ب وێ یەکێ ژی
دکەن، مافێن وان پاراستی نینە و ئەگەر زیان ب وان بگەهیت ل دەمێ کارکرنێ چ کەسەک
قەرەبوویا وان ناکەت و حکومەتا رێڤەبرنا کاران گرنگیێ ب ماف و داخازیێن وان نادەت.
1ـی ئەیارێ ب جەژنا
کرێکارا دهێتە دانان ژپێخەمەت دانانا پیڤانەکا هەڤبەش بۆ دەمێ کارکرنێ سەر هلدایە.
1ـی ئەیارێ کو ژ
ئەنجامێ خەباتا کرێکارێن ئەمریکا ل سالا 1884 ژ پێخەمەت کێمکرنا دەمێ کارکرنێ بۆ هەشت
دەمژمێران سەر هلدا و ل سالا 1886 بایکۆت ب ئاوایەکی بەرفرەهبوو، بابەت بوویە پرسەکا
جیهانی.
د کۆنفرانسا ڕێکخراوا
نێڤدەولەتیا برایەتیا کرێکاران ل سالا 1889 ل پاریس بڕێڤەچوو، بڕیار هاتەدان رۆژەک
وەکو جەژنا کرێکاران بهێتە دەست نیشانکرن لسەر پێشنیازا سەندیکایا ئەمریکا رۆژا 1ـی
ئەیارێ هاتە دەست نیشانکرن.
ل چەند ولاتێن جیهانێ
١ـی ئەیارێ وەکو "جەژنا کرێکاران"، "رۆژا جیهانیا کرێکاران"،
"جەژنا ڕەنجدەران" و چەند ناڤێن دی دهێتە ساخکرن.