PM:09:22:30/04/2024
1056 جار خوێندراوەتەوە
+
-
وەزارەتا کارەبا حکومەتا رێڤەبرنا کاران راگەهاند، چاڤەڕێی هناردەکرنا غازا سروشتی نە بۆ وێستگەهێن کارەبێ، تا دەمژمێرێن کارەبا نیشتیمانی زێدە بکەین.
ئەڤڕۆ سێشەمبی، وەزارەتا کارەبا حکومەتا رێڤەبرنا کارێن هەرێمێ راگەهاند، پشتی کو وەزارەتا سامانێن سروشتی راگەهاندی بەرهەمئینانا غازا سروشتی د زەڤیێن غازا کۆرمۆر دێ دەست پێکەت، چاڤەڕێی هناردەکرنا غازا سروشتی نە بۆ وێستگەهێن کارەبێ تا دەمژمێرێن کارەبا نیشتیمانی زێدە بکەین.
ئاماژە ب وێیەکێ ژیکر، دگەل کارکرنا یەکەیێن غازێ یێن بەرهەمئینانا کارەبێ ڕەوشا کارەبێ دێ ئاسایی بیت و دەمژمێرێن پێدانا کارەبێ دێ زێدەبن.
پشتی هێرشا ئێڤاریا رۆژا ئەینی، وەزارەتا کارەب و سامانێن سروشتی یێن حکومەتا رێڤەبرنا کارێن هەرێمێ راگەهاند، بسەدەما هێرشا بالەفڕێن بێ بالەفڕڤان بۆ سەر زەڤیێن غازا کۆرمۆر هنارتنا گازێ بۆ وێستگەهێن بەرهەمئینانا کارەبێ هاتیە ڕاوەستاندن و ژبەر هندێ نێزیکی دوو هزار و ٥٠٠ مێگاواتێن کارەبێ کێمبووینە.