PM:02:59:30/04/2024
1116 جار خوێندراوەتەوە
+
-
داگەها بلندا عێراقێ
لسەر داخازا نەوەی نوێ بڕیار دا، سندوقێن دەنگدانێ ب دەستی و ب ئەلکترۆنی ژی بهێنە
هژمارتن.
پشتی کو کۆمسیۆنا
هەلبژارتنێن عێراقێ د ئێک ژ بڕیارێن خۆ دا بەحسا دروستبوونا ئاریشەیا ئامێرێن
دەنگدانێ نەکربوو کو ل داوی پرۆسەیا دەنگدانێ یا هەلبژارتنا جڤاتا پارێزگەهان
روویدا و لدیف وێ بریارێ ئەو سندوقێن ئامیرەیێن وان کار نەدکرن هاتینە ڤەگوهاستن.
دەستەیا دادوەریا سەر ب
جڤاتا بلندا دادوەریا عێراقێ ئەو رێنمایێن کۆمسیۆنێ رەتکرن و بڕیار هاتە دان ل
دەمێ هەلبژارتنێ هەمی سندوقێن دەنگدانێ ب بەرهەڤبوونا نوێنەرێ هەمی قەوارەیێن سیاسی
ب دەستی و ب ئەلکترۆنی بهێنە هژمارتن.
هەروەسا دەستەیا
دادوەریا د بڕیارێ دا بەحسا وێ یەکێ دکەت، تەنانەت ئەگەر ئاریشەیەکا تەکنیکی ژی
دروست بیت ئەڤە چ ئالیەک و تەنانەت کۆمسیۆن ژی ماف نینە سندوقێن دەنگدانێ ڤەگوهێزیت
هەتا هژمارکرنا دەستی نەهێتەکرن بۆ هەمی سندوقێن ناڤ بنگەهێن دەنگدانێ و لبەر چاڤێ
نوێنەرێن هەمی قەوارەیێن سیاسی و کۆمسیۆنێ دا.