PM:02:57:30/04/2024
80 جار خوێندراوەتەوە
+
-
پەیڤدارێ وەزارەتا داراییا هەرێمێ راگەهاند، چاڤەڕێی وەزارەتا داراییا
عێراقێ دکەین پارەیێ مووچەی بهنێریت.
هونەر جەمال پەیڤدارێ وەزارەتا داراییا حکومەتا رێڤەبرناکارێ هەرێمێ
راگەهاند، وان هەمی ئەو رێکارانە تەمام کرینە کو عێراقێ داخاز کریە و چاڤەڕێی
وەزارەتا داراییا عێراقێ دکەن پارەیێ مووچەی بۆ وان بهنێریت.
بەحسا وێ چەندێ ژی کر، د کڤانێ وێ رێککەفتنا دگەل عێراقێ دا کرینە مەهانە
چەند رێکارەک هەنە کو دڤێت بجهبینن و وانا رێکار ئەنجام داینە. گۆتیە ژی، "مە
رازیوون دەربڕیە بۆ وێ کو داهاتێن فیدڕالی ڤەگەریننە عێراقێ".
دەربارەی پلەبلندکرنا فەرمانبەران ژی ئەو یەک بەرچاڤکر، داخاز ژ هەمی
وەزارەتان کریە پلەبلندکرنا فەرمانبەران بکەنە لیست و بۆ مە بهنێرن، پشتی
تەمامبونا وان دێ هویربینیان بۆ کەن و هنێرنە بەغدا.
هونەر جەمال باسی لەوەش کرد، ناتوانن بڵێن کەی لیستی پلەبەرزکردنەوە
تەواو دەبێت.
ئەڤە ژی د دەمەکیدایە، هەر ئەڤرۆ وەزارەتا داراییا عێراقێ بۆ ئێن ئاڕ
تی راگەهاند،لیستا داویا مەها سێیێ یا هەرێمێ ئاریشە تێدایە. ئاماژە ب وێ چەندێ
کر، هەردەما هەرێما کوردستانێ رێکار و داخازیێن وان تەمام کر مووچەیێ مەها چار دێ
هنێرن.
ئەڤە ژی د دەمەکیدایە، هەیاما نێزیکی ١٥ رۆژان وەزارەتا داراییا عێراقێ
چاڤەڕێی هەرێمێ دکەن بۆ هنارتنا لیستا مووچەیێ مەها نیسانێ، لێ هەرێم لیستا خۆ درەنگ
هنارت و دەما هنارتی ژی شاشی تێدابوون و داراییا عێراقێ ڤەگەڕاندە هەرێمێ، د نها
ژی دا ب سەدەما هەبوونا ئاریشەیێ د لیستا داویا مەها سێ دا هنارتنا مووچەیێ مەها چار
گیروبوویە.