PM:02:30:30/04/2024
420 جار خوێندراوەتەوە
+
-
پەرلەمانتارەکێ فراکسیۆنا نەوەی نوێ ل
پەرلەمانێ بۆ ئێن ئاڕ تی ڕاگەهاند، بەنکا حکومەتا عێراقێ یا بەرهەڤە بۆ ڤەکرنا
هژمارێن بەنکی بۆ مووچەخۆرێن هەرێمێ، دبێژیت ژی، "ئەگەر پارتی و یەکێتی
پێگیری بڕیارێن دادگەها فیدرالی نەبن، ئەڤە باجا وێ دێ گەلەک گرانی دەن".
ئەڤرۆ سێشەمبی، رێبوار ئەوڕەحمان پەرلەمانتارێ فراکسیۆنا نەوەی نوێ ل پەرلەمانێ بۆ ئێن
ئاڕ تی ڕاگەهاند، پارتی و یەکێتی دڤێن ب رێکا هژمارا من ئیرادەیا مووچەخۆرێن
هەرێمێ قۆرخ بکەن و وان نەچار بکەن ل چەند بەنکێن سەر ب وان هژمارا بەنکی ڤەکەن.
ئاماژە ب وێ یەکێ ژی کر، دڤێت فەرمانبەرێن
هەرێمێ بهێنە سەرپشک کرن کو هژمارا بەنکی ل بەنکێن پارتی و یەکێتی یان ل بەنکێن
فیدرالی ڤەکەن، دبێژیت ژی، "پتریا فەرمانبەران دڤێن ل بەنکێن فیدرالی هژمارا
بەنکی ڤەکەن".
ئەو یەکژی بەرچاڤکر، دادگەها فیدرالیا
حکومەتا عێراقێ نەچار کریە مووچەیێ مووچەخۆرێن هەرێمێ دابین بکەت و ب رێکا بەنکێن حکومی مووچەخۆر موووچەیی خۆ
وەربگرن.
بەحسا وێ یەکێ ژی کر، "ب رێکا 86
ئیمزایان وان داخاز کریە رێگری ژ وێ قۆرخکاریا پارتی و یەکێتی بهێتە کرن کو دڤێن
فەرمانبەر ب رێکا بەنکێن سەر ب وان هژمارا بەنکی بۆ مووچەخۆران ڤەکەن".
گوت ژی، "سوزێ ددەین، ئەگەر خەلکێ
هەرێما کوردستانێ نەوەی نوێ بکەتە هێزا ئێکێ د هەلبژارتنێ دا، بڕیارێن پارتی و
یەکێتی و ب تایبەت هژمارا من دێ هەلوەشینن".