PM:12:04:30/04/2024
848 جار خوێندراوەتەوە
+
-
رێڤەبەرێ نەخۆشخانەیا
ئازادیا دهۆکێ بۆ ئێن ئاڕ تی ڕاگەهاند، ژبەر پێلا تۆز بارینێ ل دهۆکێ نێزیکی 100
کەسان سەرەدانا نەخۆشخانەیێ کرینە و تووشی تەنگە نەفەسیێ بووینە، ژلایەکێ دی ڤە ساخلەمیا
زاخۆ ژی دبێژیت، ل وی سنوری شەش کەس تووشی تەنگەنەسیێ بووینە.
ئەڤرۆ سێشەمبی، ژبەر وێ پێلا
تۆز بارینێ کو هەرێما کوردستانێ و ب تایبەتی سنورێ دهۆکێ ڤەگرتی هژمارەکا زۆر یا
وەلاتیان تووشی تەنگە نەفەسیێ بووینە و سەرەدانا نەخۆشخانەیان کرینە.
هەڤدەم، سەگڤان سلێمان رێڤەبەرێ نەخۆشخانەیا
ئازادیا دهۆکێ بۆ ئێن ئاڕ تی ڕاگەهاند، ل دهۆکێ نێزیکی 100 کەس تووشی تەنگە نەفەسیێ
بووینە.
ئاماژە ب وێ یەکێ ژی کر،
پتریا وان کەسێن تووشی تەنگە نەفەسیێ بووینە چارەسەری وەرگرتینە و رەوشا ساخلەمیا
وان یا باشە، گوت ژی، هژمارەکا کێم یا وەلاتیان ل نەخۆشخانەیێ ماینە.
ژلایەکی دی ڤە ئەمیر عەلی
بەرپرسێ ساخلەمیا زاخۆ بۆ ئێن ئاڕ تی ڕاگەهاند، ل سەنتەرێ زاخۆ شەش کەس تووشی
تەنگە نەفەسیێ بووینە و چارەسەریێن دەستپێکی بۆ وان هاتیەکرن.
زەلال ژی کر، تیمێن ساخلەمیێ د ئامادە باشیێ دانە بۆ هەر حالەتەکێ نەخاستی و زۆربوونا هژمارا وان وەلاتیێن
تووشی تەنگە نەفەسیێ دبن.
ئەڤە د دەمەکی دایە، ل چەند دەڤەرێن
هەرێمێ تۆز بارینا دژوار دەستپێکریە و لدیف پێشبینیێن سەقاناسیێ، تۆز بارین و
باران دێ هەمی دەڤەرێن هەرێمێ ڤەگریت.