AM:11:31:30/04/2024
252 جار خوێندراوەتەوە
+
-
سەقاناسیا هەرێمێ پێشبینیێن سەقایێ ئەڤرۆ و
سوبەهی ڕاگەهاند و ئاماژا ب وێیەکێ کر، باران بارین و بریسی دێ هەرێمێ ڤەگریت و
تۆز بارین ل دەڤەرێن هەرێمێ بەردەوام دبیت، پلەیێن گەرمێ ژی ب تێکرا نێزیکی ١٠
پلەیان دێ نزم بن.
ئەڤرۆ سێشەمبی،
سەقاناسیا هەرێمێ ڕاگەهاندنەک بەلاڤکر و تێدا هاتیە، ئەسمان عەور و نیڤ عەور دبیت
دگەل هەبوونا تۆزێ و لەزاتیا هەوای، ل دەمێن پشتی نیڤرۆ پێلەکا بریسی و باران
بارینا دلۆپ دلۆپ ل هەمی دەڤەرێن جودا دێ باریت و دیڤدا ل دەمێن شەڤێ دا باران
بارین ب داوی دهێت.
ئاماژە ب وێیەکێ ژیکر، ژبەر هەبوونا گۆهرینێ
د ڤی وەرزی دا ئەگەر هەیە گۆهرین د دەم و ئاوایێ دابارینێ و سەقای دا دروست ببیت،
رێژەیا باران بارینا پێشبینیکری بۆ ئەڤرۆ دناڤبەرا ٥ بۆ ١٠ ملم دبیت، پلەیێن گەرمێ
ژی ٢ بۆ ٤ پلەیان دێ نزم بن.
دەربارێ سەقایێ سوبەهی چارشەمبی ژی ئەو یەک
بەرچاڤکر، ئەسمان عەور و نیڤ عەور دبیت دگەل زێدەبوونا لەزاتیا هەوای، ئەگەرێ بلند
بوونا تۆزێ لسەر بەشەکا دەڤەرێن (باشوورێ پاریزگەها هەولێرێ و بەشەکا ئیدارەیا گەرمیان
و پارێزگەها کەرکوکێ) هەیە، ژ ئەنجامێ وێ نە سەقامگیریا لسەر سەقایێ دەڤەرێ هەی ل
پشتی نیڤرۆ باران بارین دێ دەستپێکەت و بریسی دگەل دا دبن.
بەحسا وێیەکێ ژیکر، ئاستێ دابارینێ لسەر
بەشەکا پارێزگەهێن سلێمانیێ و دەڤەرێن چیایی زێدەتر دبیت و رێژەیا باران بارینا
پێشبینیکری ل سنورێ پارێزگەهان بڤی ئاوای دبیت:
-سەنتەرێ پارێزگەها
دهۆکێ ٢-٥ ملم
-ئیدارەیا سەربەخۆىا
زاخۆ ٢-٥ ملم
-سەنتەرێ پارێزگەها
هەولێرێ ٤-٦ ملم
-ئیدارەیا سەربەخۆىا
سۆران و دەڤەرێن چیایی ٧-١٠ملم
-سەنتەرێ پارێزگەها
سلێمانیێ ٦-١٠ ملم
-ئیدارەیا سەربەخۆىا
راپەرین ٨-١٠ ملم
-ئیدارەیا سەربەخۆىا
گەرمیان ٨-١٠ملم
هەڤدەم ڕاگەهاند ژی، لەزاتیا هەوەی ب گشتی
مامناڤەند دبیت و ل دەمێن پشتی نیڤرۆ چالاک دبیت بۆ زێدەتری ٤٠ کم د دەمژمێرەکێ
دا، پلەیێن گەرمێ ژی ٣ بۆ ٥ پلەیان دێ نزم بن.
بلندترین پلەیێن گەرما پیشبینیکری ب پلەیا
سیلیزی:
دهۆک : ٢٨
زاخۆ : ٢٩
هەولێر : ٣٠
سلێمانی : ٢٩
هەلەبجە : ٢٧
کەرکوک : ٣٢
سۆران : ٢٧
حاجی ئۆمەران :
١٩
گەرمیان : ٣٣