AM:10:01:30/04/2024
64 جار خوێندراوەتەوە
+
-
پەیڤدارێ وەزارەتا کۆچ و کۆچبەرێن عێراقێ راگەهاند، د
بەردەوامیا بزاڤان دا بۆ ڤەگەراندنا ئاوارەیان بۆ جهێن وان، نێزیکی ٧٠٠ ئاوارە ل
کەمپەکا سوریا ڤەگەریانە دەڤەرێن خۆ ل عێراقێ.
عەلی جهانگیر پەیڤدارێ وەزارەتا کۆچ و کۆچبەرێن عێراقێ راگەهاند، نێزیکی ٧٠٠ ئاوارە ل کەمپا هولا
سوریا ڤەگەریانە بۆ جهێن خۆ ل ئاخا عێراقێ و د نها دا د کەمپەکا نێزیکی باژێرێ
موسل ل باکوورێ عێراقێ هاتینە ڕاگرتن.
ئاماژە ب وێیەکێ ژیکر، پشتی تەمامکرنا
رێکاران و ئەنجامدانا پشکنینێ بۆ وان کو پڕانیا وان ژن و زاروکن دێ ڤەگەرنە
دەڤەرێن خۆ.
بەحسا وێیەکێ ژیکر، زێدەباری بەردەوامیا
بزاڤێن حکومەتا عێراقێ بۆ ڤەگەراندنا هەمی ئاوارەیان و داخستنا کەمپان زێدەتری ٤٠
هزار خێزانێن ئاوارە د کەمپان دا ماینە کو پێدڤیە ڤەگەرنە جهێن خۆ.
ئەڤە ژی د دەمەکێدایە، رۆژا ١١ـێ ئادارێ
وەزارەتا کۆچ و کۆچبەرێن عێراقێ ڕاگەهاند، د هەیاما دوو رۆژان دا ١٥٧ خێزانێن
ئاوارە کو هژمارا وان ٦٥٢ کەس بوون ل کەمپا هول ڤەگەریانە دەڤەرێن خۆ.
بەری نها ژی وەزارەتا کۆچ و کۆچبەرێن
عێراقێ ڕاگەهاند بوو، ئەو وەلاتیێن عێراقی کو ل سالا دەربازبووی ب سەدەمێ شەڕێ
هێزێن چەکدار ئاوارەی هەرێما کوردستانێ بووین، دێ هێنە دامەزراندن یان ژی دێ کاری
بۆ وان پەیدا کەن.
هەڤدەم، جڤاتا وەزیرێن عێراقێ بڕیار دا ب زێدەکرنا
کۆژمێ وان هەڤکاریێن کو بۆ هاندانا ڤەگەریانا ئاوارەیان هاتینە دابینکرن ژ ئێک
ملیۆن و ٥٠٠ هزار دیناران بۆ ٤ میلۆن دیناران.