PM:05:30:29/09/2023
1380 جار خوێندراوەتەوە
+
-
بریارە د جڤینا سوبەهی
دا یا پەرلەمانێ عێراقێ، دەنگی لسەر پرۆژە یاسایا ب پارێزگەهـکرنا هەلەبجە بهێتە دان.
پشتی کو د دوو
جڤینێن دەربازبووی دا، پرۆژە یاسایا ب پارێزگەهکرنا هەلەبجە نە ئێخستیە د دەنگدانێ
دا بریارە د جڤینا سوبەهی دا دەنگ لسەر بهێتە دان.
ڤەلڤینا نەوەی
نوێ ژی دبێژیت، ١٧ نڤیسار ئاراستەی حکومەتا عێراقێ کرینە و رەزامەندیا حکومەتێ بۆ
پرۆژە یاسایا ب پارێزگەهکرنا هەلەبجە وەرگرتیە و لسەر داخازا وان رەوانەی
پەرلەمانی هاتیەکرن.
دوهی، پەرلەمانێ
عێراقێ کارناما جڤینا رۆژا شەمبیێ بەلاڤکر و تێدا هاتیە، سوبەهی پرۆژە یاسایا ب
پارێزگەهکرنا هەلەبجە دێ دەنگ لسەر هێتەدان.
ئەڤە ژی پشتی وێیەکێ
دهێت، ل ١٢ـێ ئازارێ فراکسیۆنا نەوەی نوێ ل پەرلەمانێ عێراقێ نڤیسارەک ئاراستەی
جڤاتا وەزیران کر کو تێدا ئاماژە ب وێیەکێ کر، وەزارەتا پلاندانانێ رێکارێن ب
پارێزگەکرنا هەلەبجە پەسەندکرینە و وەکی پارێزگەهەکا سەربەخۆ مامەلە دگەل دهێتەکرن
و "سیمبولا" ژمارە ١٦ پێ هاتیە دان.
لدیڤدا ژی، لسەر
داخازا نەوەی نوێ؛ وەزارەتا پلاندانانا عێراقێ نڤیسارا جێبەجێکرنا ب پارێزگەهکرنا
هەلەبجە رەوانەی جڤاتا وەزیرێن عێراقێ کر و پشتی پەسەندکرنێ رەوانەی پەرلەمانێ
عێراقێ کر.
ل رۆژا ١٠ـێ
تشرینا ئێکێ یا سالا دەربازبووی، فراکسیۆنا نەوەی نوێ داخازا جڤینێ دگەل سەرۆک
وەزیرێن عێراقێ کر و هژمارەکا داخازیێن گرێدای ب وەلاتیێن هەرێمێ ڤە پێشکێشی
حکومەتا عێراقێ کر و دناڤ وان دا ب پارێزگەهکرنا هەلەبجە هەبوو، و پشترا محەمەد
شیاع سودانی سەرۆک وەزیرێن عێراقێ ئەوپرۆژە یاسایا پەسەندکر و رەوانەی پەرلەمانی
کر.
هەلەبجە ل سالا
١٨٨٩ـێ کریە قەزا و پشتی نەجەف دووەم قەزایا عێراقێ بوو ل وی دەمی دا، پشترا ١٣ـێ
ئازارا ٢٠١٤ـێ ژلایێ حکومەتا هەرێما کوردستانێ بریارا ب پارێزگەهبوونێ بوو دەرچوو.