PM:10:08:17/09/2021
940 جار خوێندراوەتەوە
+
-
بەرهەم سالحی دڤێت جارەکادی خۆ
بۆ پۆستێ سەرۆککۆمارێ عێراقێ بەربژێربکەت و د درێژیا بزاڤێن خۆ ژی دا ب نهێنی
پشتەڤانیا چەند بەربژێرێن سەربخۆ دکەت ل پێناڤ وێیەکێ کو دەربچن و ل خولا بهێت یا
پەرلەمانێ عێراقێ کار بۆ هەلبژارتنا وی بکەن.
ئەڤە ژبلی وێیەکێ هیڤیا وێیەکێ
هەیە کو ئێکەتی و پارتی ل پشتی هەلبژارتنان چ رێگریەکێ نەکەن و پشتەڤان بن ژ مانا
وی د پۆستێ ویدا.
لدویف وان زانیاریێن ب دەست ئێن
ئاڕ تی کەفتین، بەرهەم سالح کار بۆ وێیەکێ دکەت کو چەند بەربژێر کو نها ل سەر
سەربەخۆیێ خۆ بەربژێرکرینە، بگەهنە پەرلەمانی و هەیا داویا هەلبژارتنان ناڤبری وەک
کارتێن گڤاشتنێ بکاربینیت ب تایبتەتی بۆ وەرگرتنا پۆستێ سەرۆککۆماری.
بەرهەم سالح ل داوی چاڤپێکەفتنا
خۆدا دگەل کەنالێ "ئەلجەزیرە" ڕاگەهاند، خوازیارە جارەکا دی خۆ بۆ پۆستێ
سەرۆککۆمارێ عێراقێ بەربژێربکەت، ژبەرکو هێشتا گەلەک مایە پێشکێشی عێراقێ بکەت.
بڕیارە هەلبژارتنێن پەرلەمانێ
عێراقێ بڕێڤەبچن، کو تێدا دوو جورێن هێز و کەسایەتیان پێشبرکیێ دکەن بۆ بدەسڤەئینانا
زێدەترین کورسیێن پەرلەمانی، ئەوێن کو دڤێن کورسییان بۆ پێگەهـ و پۆستێن شەخسی
بکاربینن، دگەل ئەوێن کو دڤێن خزمەتا وەلاتیان و گڤاشتنان لسەر دەستهەلاتێ
بکاربینن، کو د دەمێن دەربازبوویدا خانەنشینی رەتکری و چەندین هەلویست هەبوون بۆ
پشتەڤانیا وەلاتیان.