سەردێڕ:

لەبارەی کۆچبەرانەوە؛ فه‌ڕه‌نسا داوایەک لە به‌ریتانیا دەکات

PM:12:11:29/11/2021

8088 جار خوێندراوەتەوە

وه‌زیری ناوخۆی فه‌ڕه‌نسا داوای له‌ به‌ریتانیا كرد له‌ پرسی كۆچبه‌راندا 'به‌رپرسیارێتی هه‌ڵبگرێت' و دەڵێت،‌ "پێویسته‌ به‌ریتانیا هه‌لی هاتنه ‌ناوه‌وه‌ بۆ ئه‌و كۆچبه‌رانه‌ بڕه‌خسێنێت كه‌ داوای مافی په‌نابه‌ریی ده‌كه‌ن."


جێرالد دارمانین وه‌زیری ناوخۆی فه‌ڕه‌نسا و هاوتا ئه‌ڵمانی، هۆڵه‌ندی، به‌لجیكییەکەی لەگەڵ یلڤا جۆهانسۆن ئه‌ندامی به‌رپرسیار له‌ كاروباری ناوخۆیی كۆمسیۆنی یه‌كێتی ئه‌وروپا له‌باره‌ی كێشه‌ی كۆچبه‌ران له ‌نێوان فه‌ڕه‌نسا و به‌ریتانیا دوای گیان له‌ده‌ستدانی نزیکەی ٢٧ كه‌س كۆبوونه‌وه‌یەکیان ئه‌نجامدا.

دوای كۆبوونه‌وه‌كه‌، وه‌زیری ناوخۆی فه‌ڕه‌نسا ئاماژه‌ی به‌وه‌دا، "له‌ كۆبوونه‌وه‌كه‌دا ویستی هاوبه‌شی هه‌موو لایه‌ک خراوه‌ته‌ روو بۆ بەرگرتن له‌و جۆره‌ رووداوانه‌ و پێداگرین له‌ به‌ره‌نگاربوونه‌وه‌ی قاچاخچێتیكردن به‌ مرۆڤەوە."

جێرالد دارمانین داوای له‌ به‌ریتانیاش كرد له‌ پرسی كۆچبه‌راندا 'به‌رپرسیارێتی هه‌ڵبگرێت' و دەشڵێت، "به‌ریتانیا له‌ یه‌كێتی ئه‌ورووپا جیابووه‌ته‌وه‌، به‌ڵام له‌ جیهان جیانه‌بووه‌ته‌وه‌، پێویسته‌ به‌ریتانیا هه‌لی هاتنه‌ناوه‌وه‌ بۆ ئه‌و كۆچبه‌رانه‌ بڕه‌خسێنێت كه‌ داوای مافی په‌نابه‌ریی ده‌كه‌ن."

رۆژی پێنجشەممەی رابردوو، لە ئاوەکانی نێوان فەڕەنسا و بەریتانیا بەلەمێکی کۆچبەران ژێرئاو کەوت و بەهۆیەوە نزیکەی ٢٧ کۆچبەر کە زۆرینەیان کوردن گیانیان لەدەستدا و کاردانەوەی لێکەوتەوە.

دوێنێش، تەرمى کۆچبەرێکى دیکە لەسەر سنورى بیلاڕوسیا و لیتوانیا لەناو کیسەخەوێکدا دۆزراوەیەوە، هاوکات، یەکێتى ئەوروپا قەیرانى کۆچبەران بە کێشەیەکى گەورە لەسەر سنورەکانى رۆژهەڵات و رۆژئاواى دادەنێت.

لای خۆشییەوە، جێگری سەرۆکی کۆمسیۆنی ئەوروپا وتی، بەریتانیا یەکێتی ئەوروپای بەجیهێشتووە با خۆی چارەسەری کۆچبەران بکات.








گەلەری