سەردێڕ:

لە شەڕی نێوان دوو خێزاندا کەسێک کوژرا

AM:12:54:23/07/2021

13456 جار خوێندراوەتەوە



بەگوێرەی زانیارییەکانی ئێن ئاڕ تی، شەوی پێنجشەممە لە شاری ھەولێر شەڕ لە نێوان دوو خێزاندا روویداوە، کە خزمی یەکترین و دوژمنداری لە نێوانیاندا ھەیە و لە شەڕەکەدا کەسێک کوژراوە. 

ھاوکات، بەڕێوەبەرایەتی پۆلیسی پارێزگای هەولێر رایگەیاند، "ئەمشەو کاتژمێر نۆ و نیوی شەو، لەسەر کێشەیەکی خێزانی رووداوێکی کوشتن لە گەڕەکی شادی لە نێوان دوو خێزاندا روویدا."

ئەوەشی خستووەتەڕوو، دوای رووداوەکە هێزەکانیان گەیشتنە شوێنی رووداوەکە و تۆمەتبارەکەیان بە ناوی (ش، خ) دەستگیرکرد، کە تۆمەتبارە بە کوشتنی کەسێک. 

ئاماژەی بەوەشکردووە، پەڕاوی لێکۆڵینەوە بۆ ئەنجامدانی رێکارە یاساییەکان کرایەوە و لێکۆڵینەوەکانیش لەسەر رووداوەکە بەردەوامن.
 

هەر ئەمشەو شەڕەتەقە لە ناحیەی سەنگەسەری سەر بە قەڵادزێ روویدا و بەهۆیەوە ژنێک گیانی لەدەستدا و سێ کەسی دیکەش بریندارن.








گەلەری