هەڵبژاردنەکەی تورکیا نزیکتر دەبێتەوە، چوار کاندید بۆ پۆستی سەرۆکایەتی لە کێبڕکێدان ئەوانیش ڕەجەب تەیب ئەردۆغان و كەمال کڵیچدار ئۆغڵۆ و موحەرەم ئینجە و سینان ئۆغانە، بەڵام ململانێ توندو بەریەککەوتنەکان کە وەک کلاسیکۆی نێوان ئەردۆغان و کڵیچدار ئۆغڵۆ تەماشا دەکرێت.
هەردوو رکابەرەکە لە کاتی کۆبونەوە جەماوەریەکانیاندا دروشم و دەستەواژەی توند بەرامبەر یەکتر بەکاردێنن بۆ جوڵاندنی سۆزی دەنگدەر، هێرش و هەڕەشەکانیان تێکەڵکردوە و بەشێکیان بۆ ئەو کاتەیە کە بچنە کۆشکە زەبەلاحەکەی چەنکایای سەرۆک کۆماری ئەو وڵاتە.
ئەردۆغان لەبارەی کڵیچدارئۆغڵۆوە دەڵێت، لە ئەگەری سەرکەوتنی ئۆپۆزسیۆن و کڵیچدارئۆغڵۆدا ئەوا تورکیا دەگەڕێتەوە بۆ ساڵانی ٢٠٠٢ کە ناسەقامگیریان بەرهەمهێنا.
لەسەر ئەو وێنەیەش کە کڵیچدارئۆغڵۆ بە پێڵاوەوە
لەسەر بەرماڵێکە و دەنگدانەوەی لە تورکیا لێکەوتووەتەوە، ئەردۆغان دەڵێت، لە دوای ١٤ی مانگ فێری دەکات قیبلە لە كوێوەیە.
لەبەرامبەریشدا کڵیچدارئۆغڵۆ هەڕەشەی دوای هەڵبژاردن
لە ئەردۆغان دەکات و دەڵێت، ١٤ی مانگ دەچێتە
کۆشکەوە و دەست بەجێ ئەردۆغان خانەنشین دەکات.
کڵیچدار ئۆغڵۆ لە بەشێکی قسەکانیدا بۆ ئەردۆغان باس
لەوەدەکان، قسەکردن لەگەڵ ئەردۆغان هەڵەیە و ترسی تەواوی هەیە لە توانا عەقڵییەکانی
و ناکرێت کەسێک ئەوەنە بێوەفا بێت دەشڵیت، هەموکەس مافی قسەکردنی هەیە، بەڵام ئەردۆغان
خەڵک بێدەنگ دەکات و مانای دیموکراسیەت نازانێت و ئەو تەنیا چاوی لە کۆشکەکەیەتی.
ململانێکانی ئەردۆغان و کڵیچدارئۆغڵۆ گەیشتۆتە
ئاستێک لە ناوخۆی تورکیا و میدیاکانیش وەک کلاسیکۆ ناوی دەبەن و چاوەڕێن بزانن کێ
براوەی کلاسیکۆکە دەبێت.
بڕیارە
لە ١٤ـی ئایار هەڵبژاردنەکانی سەرۆکایەتی و پەرلەمانی تورکیا بەڕێوەبچێت.