سەردێڕ:

هۆکاری سەردانەکەی کازمی بۆ ئێران ئاشکرا کرا

PM:02:48:11/09/2021

4932 جار خوێندراوەتەوە

چاوگێک لە سەرۆکایەتی ئەنجومەنی وەزیران رایگەیاند، سبەینێ مستەفا کازمی سەرۆکوەزیرانی عێراق بۆ گفتوگۆکردن لە بارەی دۆسییەکانی دابین کردنی وزە و ئاسایش و پەیوەندییەکانی نێوان سعودییە و ئێران بە سەرۆکایەتی شاندێکی باڵا دەگاتە تارانی پایتەختی ئێران.


بەگوێرەی چاوگەکە، بڕیارە کازمی لە گەڵ ئیبراهیم رەئیسی سەرۆکۆماری ئێران کۆببنەوە و لەبارەی دۆسییەکانی ئاسایش و دابینکردنی وزە و پێدانی ڤیزا بە زیارەتکارە ئێرانییەکان بۆ عێراق بۆ شارەکانی نەجەف و کەربەلا گفتوگۆ دەکەن.

چاوگەکە ئاماژەی بەوەشدا، پەیوەندییەکانی نێوان ئێران و سعودییە و ناوەندگیری عێراق بۆ رەوینەوەی گرژییەکانیان یەکێکی دیکەیە لەو دۆسییانەی مستەفا کازمی سەرۆکوەزیرانی عێراق لەگەڵ ئیبراهیم رەئیسی گفتوگۆیان لەبارەوە دەکات.

ئەمە لەکاتێکدایە، عێراق بۆ دابینکردنی یەک لەسەر سێی وزە بەگشتی و کارەبا بەتایبەتی پشت بە ئێران دەبەستێت و بەهۆی دواخستنی شەش ملیار دۆلار قەرزەکانییەوە، ئێران هەناردەکردنی سوتەمەنی بۆ عێراق راگرت.


کـ ، ئـ








گەلەری