پەیامنێری ئێن ئاڕ تی رایگەیاند، لە شەقامی سورچیانی هەولێر تەقە لە ماڵێک کراوە و بەهۆیەوە ژن و مێردێک کوژراون.
باسی لەوەشکرد، ئەو کەسەی ئەو دوو هاوسەرەی کوشتووە، رۆیشتووەتە ناو ماڵەکەیان و تەقەی لێکردوون.
بەپێی زانیارییە
سەرەتاییەکانی دەست ئێن ئاڕ تی کەوتووە، گوماندەکرێت برای ژنەکە ئەو تاوانەی
ئەنجامدابێت و تۆمەتباری رووداوەکەیە. هەر بەپێی وتەی کەسوکاری دوو هاوسەرەکە، رووداوەکە
بەهۆی کێشەی کۆنی کۆمەڵایەتییەوە بووە.
ئەوەشیان خستەڕوو، کە لە
رابردوودا رێککەوتن لە نێوان دوو ماڵەکەدا کراوە و بابەتەکە کۆتایی هاتووە، بەڵام
بەیانی ئەمڕۆ ئەو کەسە چووەتە ماڵی خوشکەکەی و تەقەی لێکردوون.
دراوسێکانی ئەو ماڵەش
باسیان لەوەکرد، کە ئەو ماڵە لە گەڕەکەکەدا ماڵێکی بێدەنگ و بێ کێشە بوون.
لەو بارەیەشەوە نەنکی
کوڕەکە باسی لەوەکرد، کە کێشەکەیان کۆتاییپێهێناوە و سێ هاوسەرگیریان لەبری ئەو گرفتە
ئەنجامداوە، دوو لە ژنەکانیش دووگیانن، کێشەکەش کۆتایی پێهاتبوو و هاتوچۆی
یەکتریان دەکرد.
رزگار کۆچەر، هەولێر
هـ.ئـ