سەردێڕ:

لە رووداوێکی تەقەکردندا لە نیۆرک ١٠ کوژران

AM:08:27:15/05/2022

2088 جار خوێندراوەتەوە

پۆلیسی شاری نیۆرک لە ئەمریکا رایگەیاند، گەنجێکی تەمەن ١٨ ساڵ کە خوێندکاری زانکۆیە لە سوپەرمارکێتێکدا دەستڕێژی گولـلەی کردووە و بەهۆیەوە ١٠ کوژراون و سێ کەسی دیکەس برینداربوون. دەشڵێت، "لەو ١٣ کەس ١١یان رەشپێستن و دووانیان سپی پێست".


ئەمڕۆ یەکشەممە، ئاژانسی هەواڵتی رۆیتەرز لە زاری دەسەڵاتدارانی شاری نیۆرکەوە بڵاویکردەوە، لێکۆڵینەوە لە رووداوەکە دەستی پێکردووە و رووداوەکەشی بە "رەگەزپەرستی" و "تاوانی رق لێبوونەوە" وەسف کردووە.

پۆلیسی نیۆرک ئاماژەی بەوەشداوە، تۆمەتبارەکە پێشتر لە ئینتەرنێت بڵاوی کردووەتەوە کە لەو سۆپەرمارکێتەدا ئەو هێرشە ئەنجامدەدات و بۆ هێرشەکەش لە دووری چەندین کاتژمێرەوە بە تەنها هاتووەتە ناوچەی بۆڤالۆ لە نیۆرک.

بەگوێرەی لێکۆڵینەوەکانی دادگا تۆمەتبارەکە ناوی "بایتون جیندرون"ە و لەناوچەی کۆنکلین لە "سازرن تایر" لە باشوری نیۆرک لە نزیک سنوری ویلایەتی پەنسلڤانیا دەژی کە ژمارەی دانیشتوانی ٥٠٠ هەزار کەسە. دەشڵێت، خوێندکاری زانکۆیە و لە کۆلێژی برۆم کۆمیونیتی لە زانکۆی نیۆرک.

جۆزێف گراماگیان ئەفسەر لە پۆلیسی بۆڤالۆ لە کۆنفرانسێکی رۆژنامەنوسیدا رایگەیاند، تۆمەتبارەکە چاکەتی گولـلە نەبڕی لەبەربووە و ١٣کەی بە ئامانج گرتووە کە ١٠ کەسیان گیانیان لەدەستداوە و سێ کەسی دیکەش برینداربوون و لەو ژمارەیەش ١١کەسیان رەش پێست بوون و دووانیشییان سپی سپێت بوون.

دەشڵێت، پێش ئەوەی دەستگیر بکرێت هەوڵیداوە خۆی بکوژێت، بەڵام پۆلیس توانیوییەتی پەشیمانی بکەنەوە خۆی نەکوژێت و دەستگیری بکەن.













گەلەری