سەردێڕ:

بەرگری شارستانی: پشکنینی سەرجەم پاشماوەی تەقینەوەکە تەواو بوو

PM:12:42:12/05/2022

13796 جار خوێندراوەتەوە

بەڕێوەبەری بەرگری شارستانی سلێمانی بە ئێن ئاڕ تی راگەیاند، پشکنینی سەرجەم پاشماوەی تەقینەوەی کافتریاکە تەواو بووە و هیچ کەسێک لەژێر بەرد و بلۆکەکاندا جێنەماوە.


دیار ئیبراهیم بەڕێوەبەری بەرگری شارستانی سلێمانی بە ئێن ئاڕ تی راگەیاند، سەرجەم پشکنین و پاککردنەوەکان بە دەست ئەنجامدراوە و بەتەواوی دڵنیابوونەتەوە لەوەی کەس لەژێر بەرد و بلۆکی پاشماوەی تەقینەوەکە جێنەماوە.

شەوی رابردوو کاتژمێر ١ و چوار خولەکی دوای نیوەشەو، لە کافتریایەکی سلێمانی تەقینەوە روویدا و بەهۆیەوە ١٤ کەس برینداربوون.

لەو بارەیەوە بەڕێوەبەری بەرگری شارستانی سلێمانی بە ئێن ئاڕ تی راگەیاند، "پەنگخواردنەوەی غاز هۆکاری رووداوکە بووە."

باسی لەوەشکرد، بەهۆی رووداوەکەوە باڵەخانەی کافتریاکە کە دوو نهۆمە و ژێر زەمیننێکی هەیە، دوو نهۆمەکەی بەتەواوەتی رووخاوە."

سامان لەتیف وتەبێژی تەندروستی سلێمانیش بە ئێن ئاڕ تی راگەیاند، چوار لە بریندارەکان پێویستییان بە نەشتەرگەری هەبووە کە بۆیان ئەنجامدراوە و نۆ برینداریشیان لە نەخۆشخانە هێڵدراونەتەوە بە مەبستی وەرگرتنی چارەسەر. چوار برینداری دیکەشیان دوای وەرگرتنی چارەسەری پێویست رەوانەی ماڵەوە کراون.

شاڵاو عەلی، سلێمانی

هـ.ئـ

No description available.

No description available.No description available.No description available.

 













گەلەری