وەزارەتی پلاندانانی عێراق رایگەیاند، لە شەش پارێزگای عێراق دەستیانکردووە بە بڵاوکردنەوەی فۆڕم بۆ دیاریکردنی ئاستی ئابووری و کۆمەڵایەتی خێزانەکان. دەشڵێت، راپرسییەکە بۆ ماوەی ١٤ مانگ بەردەوام دەبێت و هەرێمی کوردستانیش دەگرێتەوە.
زیا عەواد سەرۆکی سەنتەری ئامار لە وەزارەتی پلاندانانی عێراق رایگەیاند، دەستیان بە کارەکانیان بۆ هەڵسەنگاندنی باری ئابووری و کۆمەڵایەتی خێزان لە عێراق کردووە.
ئاماژەی بەوەشکرد، لە ئێستادا لە شارەکانی بەغدا و ئەنبار و نەینەوا و
موسەنا و بەسرە و هەولێر دەستکراوە بە هەڵسەنگاندنەکە.
ئەوەشی ئاشکرا کرد، سەنتەرەکەیان بە هاوکاری بانکی نێودەوڵەتی کار دەکەن
و مەبەستیانە ڕێژەی هەژاری دیاری بکەن لە ڕووی تەندروستی و پەروەردە و نیشتەجێبوون
و بێکاری و هەڵئاوسانی ئابووری و نەبوونی خۆراک.
روونیشیکردەوە، راپرسییەکە بۆ ماوەی ١٤ مانگ بەردەوام دەبێت و تیایدا سەرچاوەکانی
هەژاری و ڕێژەی هەژاری لە عێراق و هەرێمی کوردستان دیاری دەکرێت.