سەردێڕ:

پێشنیازێک بۆ کەمکردنەوەی کاریگەری خۆڵبارین لە عێراق کرا

PM:04:16:07/05/2022

9496 جار خوێندراوەتەوە

شارەزایەکی بواری سەرچاوەکانی ئاو لە عێراق پێشنیاری پرۆژەیەکی کردووە بەمەبەستی کەمکردنەوەی هەردوو دیاردەی خۆڵبارین و بەبیابان بوونی خاکی عێراق.


ئەمڕۆ شەممە، حەسەن جەنابی شارەزای بواری سەرچاوە ئاوییەکان لە عێراق پێشنیاری کردووە پڕۆژەیەی دروستکردنی پشتێنەیەکی دارستان بە درێژایی هەزار کیلۆمەتر و پانی سێ کیلۆمەتر دروست بکرێت.

ئاماژەی بەوەشداوە، پرۆژەکە لە پارێزگای نەینەواوە دەستپێبکات و تا پارێزگای بەسرە درێژبێتەوە.

دەشڵێت، ئامانج لە پرۆژە کەمکردنەوەی هەردوو دیاردەی بە بیابانبوونی خاکی عێراق و خۆڵبارینە لە وڵاتدا.

‏ئەمە لەکاتێکدایە، چەند رۆژێکە خۆڵبارین بەچڕی ناوچەکانی باکور، باشور، رۆژئاوا و رۆژھەڵاتی عێراقی گرتووەتەوە. دوێنێ ھەینی بەڕێوەبەرایەتی گشتی تەندروستی کەرکوک ئاشکرای کرد، بەھۆی ئەو شەپۆلە خۆڵبارینەی کە پارێزگاکەی گرتووەتەوە، زیاتر لە ٦٠ کەس بەھۆی هەناسە توندییەوە گەیەندراونەتە نەخۆشخانەکان.

 

Open photo













گەلەری