PM:04:26:25/05/2022
1484 جار خوێندراوەتەوە
+
-
جڤینا سەرکردایەتیا
یەکێتی و پارتی بداوی هات و مەکتەب سیاسیێن پارتی و یەکێتی ڕاگەهاندنەکا هەڤبەش
بەلاڤکرن و دبێژن، "جڤینا هەڤبەشا هەردوو مەکتەبێن سیاسی وەکی پرەنسیپەکێ
کارێ پێکڤەی دێ بەردەوام بیت".
ئەڤرۆ چارشەمبێ، ل
سەرۆکاتیا هەرێما کوردستانێ، جڤینەکا هەڤبەش دناڤبەرا هەردوو مەکتەبێن سیاسی یێن
پارتی دیموکراتی کوردستان و یەکێتی نشتیمانی کوردستان برێڤەچوو.
دڕاگەهاندنەکا هەڤبەشا
یەکێتی و پارتی دا هاتیە، د جڤینێ دا پەیوەندیا هەردوو ئالیا و ڕەوشا نهایا عێراق
و هەرێما کوردستانێ و زەمینەیا هاریکاریا هەڤبەش و کارێ پێکڤەی هاتیە گۆتۆبێژکرن.
ئاماژە ب وێیەکێ ژی
کر، "هەردوو ئالیا تەکەز ل وێیەکێ کریە، پشتی دەستپێشخەری و سەرەدانا بەرێز
نێچیرڤان بارزانی، سەرۆکێ هەرێما کوردستانێ بۆ سلێمانیێ، زەمینەیەکا گونجای بۆ
گۆتۆبێژکرن و ئاسایکرن و گەشکرنا پەیوەندیێن دناڤبەرا هەردوو ئالیان دا و کارکرن
بۆ ڤەگەراندنا باوەریێ دناڤبەرا هەردوو ئالیان دا و هاریکاریکرن دناڤبەرا ئالیێن
سیاسی ب رێکا لهەڤتێگەهشتن و گۆتۆبێژکرنێ، هاتیە هەبوونێ".
دەربارەی وان بڕیاران
ژی کو دڤینێ دا هاتینەدان بەحسا وێیەکێ کریە، هەردوو ئالی هەڤنەرینن لسەر
بەردەوامبوونا جڤینێن هەڤبەش یێن هەردوو مەکتەبێن سیاسی یێن پارتی و یەکێتی وەکی
پرەنسیپێن کارکرنا پێکڤەی.
بەحسا وێیەکێ ژی
هاتیەکرن "لژنەیەکا هەڤبەشا مەکتەبێن سیاسی یێن هەردوو ئالیان بیت بۆ
گۆتۆبێژکرنێ لسەر پرۆسا هەلبژارتنێن داهاتی یێن پەرلەمانێ کوردستانێ".
دڕاگەهاندنا هەڤبەشا
یەکێتی و پارتی دا ئاماژە ب وێیەکێى ژی هاتیەکرن، یەکێتی و پارتی تەکەز لسەر
هەڤکاری و پشتەڤانیا هەردوو ئالیان بۆ حکومەتا هەرێما کوردستانێ و سازیێن شەرعی و
بەردەوامیا ڕاگرتنا هەلمەتا ڕاگەهاندنێ دژی ئێک و دوو کریە.
ئەڤە ژی ددەمەکێ دایە،
بڕیارە سوبەهی کەسایەتیێن ئێکێ یێن هەر شەش حزبێن هەرێمێ دگەل جنین پلاسخارت
هنارتیا تایبەتا سکرتێرێ گشتیێ نەتەوەیێن هەڤگرتی ل عێراقێ بجڤن.