PM:08:23:03/11/2025
124 جار خوێندراوەتەوە
+
-
راپرسیا کۆمپانیەکا
بەریتانی ترس بۆ پارتی و یەکێتی دروست کرییە و هەمێ رێک گرتینە بەر داکو ئەنجام
نەهێنە ئەشکەرا کرن ژبەرکو هەر وێ کۆمپانیێ سالا ٢٠٢١ راپرسیەک کر و ب رێژا ٩٩٪
ئەنجامێ وێ یێ دروست بوو.
ئەرنجامێن
راپرسیێ حێبەتی نە بۆ پارتی و یەکێتی ژبەرکو ٥٤٪ یا پشکداربوویان دبێژن، دێ دەنگ
دەن و ٢٧٪ بریار نەدایە کو ئەڤەژی رێژەکا زۆرە ئەگەر پشکداریێ د دەنگدانێ دا بکەن
وهاوکێشەیا هێز و لایەنێن دی دێ گۆهریت و پارتی و یەکێتی بۆ هێزا دوویێن یان سێ یێ
دێ هێنە خار.
لدویڤ
ئەنجامێن راپرسیێ:
پارتی ل
هەرێمێ و دەڤەرێ ٢١ کورسی مسۆگەر کرینە و ئەگەرێ
ئینانا سفر تا چار کورسیێن دی هەنە، لێ ژبەرکو ٢٧٪ بریار نەدایە پشکداریێ د دەنگدانێ
دا بکەن ژبەر هندێ ب ئێکەم بوونا پارتی مسۆگەر نینە.
نەوەی نوێ ژی
١٥ کورسیان دێ بدەستڤەئینیت و ئەگەر هەیە ل سفرێ تا سێ کورسیێن دی بدەستڤەبئینیت.
یەکێتی ژی ١٣
کورسی د مسۆگەرن و ئەگەرێ بدەستڤەئینانا تا پێنج کورسیێن دی هەیە.
یەکگرتوویا
ئیسلامێ ژی دوو کورسیان دێ بدەستڤەبئینیت و ئەگەرێ ئیک کورسیا دی هەیە.
کۆمەلا
دادگەری ئەگەرێ بردنا چ کورسیان نینە.
حزب و
لایەنێن دی ژی ئەگەرێ چ کورسیان نینە.
ئەنجامێ
راپرسیا کۆمپانیا بەریتانی ترس ئێخستیە دلێ پارتی و یەکێتی ژبەرکو کورسیێن هەردووک
لایەنان دێ کێم بن ژبلی کو ترس هەیە چوونا زۆرا خەلکی بۆ دەنگدانێ و دەنگ ب هێزەکا
وەکی نەوەی نوێ و بکەنە هێزا دوویێ و سێیێ.
هەر وێ
کۆمپانیێ ل سالا ٢٠٢١، د هەیاما ٢٠ رۆژێن بانگەشەیا هەلبژارتنی دا راپرسیەک کر و
ئەنجامێ وێ ب رێژا ٩٩٪ وەکی خۆ درەچوو، ب ئاوایەکی رێژا پێشبینی کری کورسی و
دەنگێن هەر لایەنەکی دیاری کربوون، د ئەنجامێ هەلبژارتنێ دا پێشبینیا وێ کۆمپانیێ
وەکی خۆ بوون، ئەڤەژی بوویە سەدەمێ ترسەکا مەزن بۆ پارتی و یەکێتی د ئەنجامێن
هەلبژارتنا ١١ ـی ١١ دا یا پەرلەمانێ
عێراقێ.